შეიძლება თუ არა ხმელთაშუა ზღვის დიეტამ ხელი შეუწყოს ტვინის ჯანმრთელობის შენარჩუნებას ჯანსაღი წონის ხელშეწყობით
ტვინი სხეულის მნიშვნელოვანი ორგანოა, ამიტომ მისი კეთილდღეობა აუცილებელია სხეულის დანარჩენი ნაწილების ფუნქციონირებისთვის. ტვინის დაბერებას შეიძლება ჰქონდეს მნიშვნელოვანი კლინიკური შედეგები. ასაკი გავლენას ახდენს ტვინის ფუნქციონირებაზე, რაც იწვევს გარკვეული ფუნქციების დაქვეითებას. კვლევამ აჩვენა, რომ წონის დაკლება ხელს უწყობს ტვინის დაბერების შეჩერებას. კონკრეტულმა დიეტურმა ინტერვენციებმა, მათ შორის ხმელთაშუა ზღვის დიეტამ სარგებელი მოუტანა კვლევის მონაწილეებს.ხმელთაშუა ზღვის დიეტა შეირჩა, რადგან ისინი მდიდარია ჯანსაღი პოლიფენოლებით.
eLife-ში გამოქვეყნებულმა კვლევამ აჩვენა, თუ როგორ შეიძლება წონის დაკლებამ ხელი შეუწყოს ტვინის დაბერების შენელებას.
მკვლევარებმა აღმოაჩინეს, რომ მონაწილეთა შორის წონის კლება დაკავშირებულია ტვინის დაბერების ნელ ტემპებთან. შედეგები მიუთითებს ჯანსაღი წონის შენარჩუნების მნიშვნელობაზე და მის გავლენას ტვინის ასაკზე. მათ ასევე დაადგინეს, რომ ნაკლები დამუშავებული საკვებისა და ტკბილეულის მოხმარება დაკავშირებულია ტვინის დაბერების შემცირებასთან.
კვლევამ გამოავლინა რამდენიმე ძირითადი აღმოჩენა: სიმსუქნის მქონე პირებში ცხოვრების წესის ცვლილებამ ტვინის დაბერების შემცირება გამოიწვია, კონკრეტულად,აღმოაჩინეს, რომ სხეულის წონის 1%-ით შემცირებამ გამოიწვია მონაწილეთა ტვინის, 18 თვის შემდეგ, მოსალოდნელზე თითქმის 9 თვით გაახალგაზრდავება. გარდა ამისა, ტვინის დაბერების ეს გაუმჯობესება დაკავშირებული იყო დადებით ცვლილებებთან სხვა ბიოლოგიურ ზომებში, როგორიცაა ღვიძლის ცხიმის შემცირება.
შედეგები მიუთითებს, რომ წონის დაკლების ინტერვენციებმა შეიძლება გარკვეულ პირებს შემეცნებითი და ფიზიკური სარგებელი მისცეს.
კვლევის დასკვნები გასაკვირი არ არის, რადგან ტვინი და ყველა სხვა ქსოვილი განიცდის დაჩქარებულ დაბერებას, როდესაც ორგანიზმში ანთებითი პოცესებია, რაც სიმსუქნის პათოგნომურია. ეს არის ერთ-ერთი იმ მრავალი მიზეზიდან, რის გამოც ვითარდება ასაკთან დაკავშირებული მრავალი პრობლემა (დიაბეტი, კორონარული არტერიის დაავადება და ალცჰაიმერის დაავადება). ეს დაავადებები უფრო ხშირია სიმსუქნის მქონე პოპულაციაში.