სასუნთქი სისტემის კვლევის მეთოდები
პირველი – ზუსტად დასმული დიაგნოზი და მეორე – თერაპიის მეთოდების კორექტული შერჩევა. თანამედროვე მედიცინა დიაგნოსტიკის რამდენიმე მიმართულებას ფლობს და შესაბამისად, ადამიანის სასუნთქი სისტემის კვლევა სხვადასხვა მეთოდით მიმდინარეობს.
რა დაავადებები ვლინდება სასუნთქი სისტემის კვლევის მეთოდებით
ჯანდაცვის მსოფლიო ორგანიზაციის მონაცემებით, მსოფლიოში ყოველი მეექვსე ლეტალური გამოსავალი უკავშირდება სასუნთქი სისტემის შორს წასულ დაავადებებს. სასუნთქი სისტემის მდგომარეობის კვლევის თანამედროვე მეთოდებით შესაძლებელია შემდეგი დაავადებების გამოვლენა:
- პნევმონია;
- ბრონქიტი;
- ფილტვების აბსცესი;
- ტრაქეიტი;
- ტუბერკულოზი;
- ბრონქული ასთმა;
- ფილტვების ონკოლოგიური დაავადებები;
- ფილტვების ქრონიკული ობსტრუქციული დაავადება (ფქოდი).
დიაგნოსტიკის ზუსტი შედეგები დაავადების მწვავე და ქრონიკულ ფორმაში დადგენის შესაძლებლობას იძლევა მათი პათოგენეზის ადრეულ სტადიებში.
სასუნთქი გზების დიაგნოსტიკის ტიპები
დღეისათვის პულმონოლოგიაში გამოიყენება სასუნთქი სისტემის კვლევის სპეციალური და დამატებითი მეთოდები:
- ზოგადი;
- ვიზუალური;
- აპარატულ-ინსტრუმენტული;
- ლაბორატორიული.
ხშირად ძალიან ძნელია იმის თქმა, სასუნთქი სისტემის კვლევის რომელი მეთოდია უფრო პროდუქტიული და საიმედო. ამიტომ დიაგნოსტიკა რამდენიმე მეთოდით მიმდინარეობს. ზოგიერთი მათგანი პროფილაქტიკური მიზნითაა საჭირო დაავადების პრევენციისთვის.
სასუნთქი სისტემის კვლევის ძირითადი მეთოდების კლასიფიკაცია:
პაციენტის გასინჯვისას ექიმის არსენალშია დიაგნოსტიკის ზოგადი მეთოდები: გასინჯვა, პალპაცია, პერკუსია. ეს დაავადების სავარაუდო არსებობის დადგენის ერთ-ერთი შემადგენელია. მის დასადასტურებლად გამოიყენება ვიზუალური მეთოდები:
- ლარინგოსკოპია – ტარდება ლარინგოსკოპის ან სარკის გამოყენებით და მისი საშუალებით ვლინდება ხმის შეცვლის მიზეზები;
- ბრონქოსკოპია – სასულისა და ბრონქების დათვალიერება ოპტიკური მოწყობილობით;
- თორაკოსკოპია – ავლენს პლევრის ღრუს ახალწარმონაქმნებს.
- მედიასტინოსკოპია სასულეს მდგომარეობის კვლევის საშუალებას იძლევა.
ამავდროულად, პულმონოლოგმა შეიძლება დანიშნოს სასუნთქი სისტემის ლაბორატორიული კვლევის მეთოდები:
- სისხლში აირების ანალიზი – აღნიშნავს ჟანგბადის შემცველობას.
- ნახველის ანალიზი – ავლენს პათოგენურ მიკროფლორას, ონკოლოგიურ უჯრედებს, სასუნთქი სისტემის ორგანოებში სისხლისა და ჩირქის მინარევების არსებობას.
შედარებით სრულ სურათს იძლევა სასუნთქი სისტემის კვლევის ინსტრუმენტული მეთოდები:
- რენტგენოგრაფია და რენტგენოსკოპია – მათი საშუალებით დგინდება ანთების კერების, ორგანოების სტრუქტურული ცვლილებები.
- ფილტვების ულტრაბგერითი დიაგნოსტიკა – განსაზღვრავს შეშუპებას, სითხის, ახალწარმონაქმნის და სხვა ანომალიების არსებობას.
- სპირომეტრია – სასუნთქი სისტემის ორგანოების კვლევის ფუნქციური მეთოდი სპირომეტრის აპარატის საშუალებით, რომელიც აფიქსირებს პაციენტში სუნთქვის თავისებურებებს.
- კომპიუტერული ტომოგრაფია – მაღალინფორმაციული სხივური მეთოდი ფილტვების სხვადასხვა დაავადების, მათ შორის, ტუბერკულოზის დიაგნოსტიკის მეთოდი.
ბრონქების დაავადებების დიაგნოსტიკისათვის გამოიყენება ბრონქოსკოპია ან ფიბრობრონქოსკოპია. მეთოდი უნივერსალურია, მისი გამოყენებით შესაძლებელია: სასულეს, ბრონქებისა და ხორხის ლორწოვანი გარსის დათვალიერება, ნაცხის, ასევე სიმსივნის ბიოფსიის აღება მიკროსკოპული და ბაქტერიოლოგიური დათესვისათვის.
სასუნთქი სისტემის ორგანოების კვლევის სხვადასხვა მეთოდის კომპლექსური გამოყენება მნიშვნელოვნად ზრდის დაავადებისა და მისი მიზეზების კორექტული გამოვლინების შანსს.