შეიცავს ციტრულინს - ამინმჟავას, რომელიც ორგანიზმს ეხმარება მოდუნებაში და აძლიერებს სისხლის მიმოქცევას;
შავი შოკოლადი: ბევრისათვის საყვარელი ეს ნუგბარი მდიდარია ფენილეთილამინით, რომელიც ენდორფინების - ბედნიერების ჰორმონების გამოთავისუფლებას ეხმარება. შოკოლადის წყალობით ორგანიზმში იმატებს დოფამინის დონეც. ეს უკანასკნელი კი უმნიშვნელოვანესი ნეიროტრანსმიტერია, რომელიც სქესობრივ აქტივობაზეა პასუხისმგებელი;
ნიგოზი: მდიდარია ომეგა-3 ცხიმოვანი მჟავებით, რომლებიც ორგანიზმში აზოტის ოქსიდის დიდ რაოდენობას წარმოქმნის. აზოტის ოქსიდის წყალობით კი სისხლძარღვები დუნდება, სისხლის მიმოქცევა უმჯობესდება;
გოგრის თესლი: გაჯერებულია თუთიით, რომელიც ზრდის ტესტოსტერონის - მამაკაცის სასქესო ჰორმონის დონეს;წითელი ხორცი: მდიდარია თუთიით, რკინითა და B ჯგუფის ვიტამინებით, რომლებიც ერთობლიობაში ენერგის წყაროა, როგორც სასიცოცხლო, ასევე სექსუალური ენერგიის;
კვერცხი: უხვად შეიცავს საკვებ ელემენტებსა და სასარგებლო ნივთიერებებს, კერძოდ L-არგინინს, რომელიც აუმჯობესებს სასქესო ჰორმონების ფუნქციობას. გარდა ამისა, კვერცხი უნიკალურად ებრძვის სტრესს, რაც ასე მნიშვნელოვანია ლიბიდოს შენარჩუნებისა და საზოგადოდ, სქესობრივი ცხოვრებისათვის.