კორონავირუსზე კიდევ ერთმა ხანდაზმულმა, 90 წლის ქალბატონმა გაიმარჯვა
ვაშინგტონის შტატის მცხოვრები 90 წლის ჯენევა ვუდმა 2020 წლის იანვარში ინსულტი გადაიტანა. რაბილიტაციისათვის ხანდაზმული ქალბატონი მოათავსეს მოხუცებულთა ზრუნვის ცენტრ SiThe Life Care Center, რომელიც მოგვიანებით ვაშინგტონში კორონავირუსის აფეთქების ეპიცენტრად იქცა. აღნიშნულ ცენტრში მცხოვრები 35 ხანდაზმული ადამიანი გარდაიცვალა COVID-19-ისაგან.
5 მარტს კორონავირუსის ინფექციის სიმპტომები გამოუვლინდა ვუდსაც. მას აღენიშნებოდა მაღალი ტემპერატურა, ხველება და ქოშინი, რის შედეგადაც გადაიყვანეს საავადმყოფოში, სადაც კორონავირუსზე ჩატარებული ტესტი დადებითი აღმოჩნდა.
მისი ქალიშვილის თქმით, მიუხედავად იმასა, რომ ვუდი ნამდვილი მებრძოლია და არასოდეს ნებდება, ოჯახი პანიკაში აღმოჩნდა, რადგანაც COVID-19-ის დროს 65 წელს გადაცილებულები მძიმე გართულებების მაღალი რისკის ქვეშ იმყოფებიან. გართულებები ვუდსაც განუვითარდა, რის გამოც ინტენსიური თერაპიის პალატაში მოათავსეს. ექიმებს, ასაკისა და ჯანმრთელობის მდგომარეობს გამო, მისი გადარჩენის იმედი არც ჰქონდათ. შვილებს, შესაბამისი ეკიპირებით, დედის პალატაში შესვლისა და მასთან გამომშვიდობების ნება დართეს. მაშინ როდესაც ვუდის გადარჩენის იმედი ყველას გადაწურული ჰქონდა, მისი მდგომარეობა ყველსათვის მოულოდნელად გაუმჯობესდა.
22 მარტს ტესტებმა აჩვენა, რომ ხანდაზმული ქალბატონის ორგანიზმი კორონავირუსისგან სრულად თავისუფალი იყო. ექიმები და მედდები ნიღბების გარეშე შევიდნენ მის პალატაში სიურპრიზის გასაკეთებლად. გამოჯანმრთელებულ ქალბატონს რამოდენიმე დღეში გამოწერენ საავადმყოფოდან, რის შემდეგადაც იგი კარანტინში კიდევ გარკვეულ პერიოდს დაჰყოფს.
ვუდის ქალიშვილი იმედოვნებს, რომ დედამისის გამოჯანმრთელობა იმედის სხივი იქნება მსოფლიო პანდემიის პარიოდში. მისი განცხადებით: "კორონავიუსით დასნებოვნება ხანდაზმული ასაკის ადამიანისა და ყველა სხვა დანარჩენისათვის განაჩენი არ არის".
ასევე წაიკითხეთ: