ყველაზე ხშირად დასმული შეკითხვების COVID-19-ის - კორონავირუსული ინფექციის შესახებ
დასმულ ყველაზე ხშირ კითხვებზე:
რა არის კორონავირუსი?
კორონავირუსები წარმოადგენს ვირუსების ოჯახს, რომელიც პათოგენურია ადამიანის ან ცხოველის მიმართ. ცნობილია, რომ რიგი კორონავირუსებისა ადამიანის ორგანიზმში იწვევს რესპირატორულ ინფექციებს ჩვეულებრივი გაციებიდან სერიოზულ მდგომარეობამდე, როგორიცაა ახლო აღმოსავლეთის რესპირატორული სინდრომი და მძიმე მწვავე რესპირატორული სინდრომი.
რა არის COVID-19?
COVID‑19 – ინფექციური დაავადებაა, რომელსაც იწვევს ახლად აღმოჩენილი კორონავირუსი. 2019 წელს ჩინეთში, ქალაქ უჰანში ინფექციის აფეთქებამდე ახალი ვირუსისა და მის მიერ გამოწვეული დაავადების შესახებ არაფერი იყო ცნობილი.
როგორია COVID‑19 სიმპტომები?
COVID‑19-ის ყველაზე გავრცელებული სიმპტომია ტემპერატურის მომატება, ადვილად დაღლა, მშრალი ხველა. რიგ პაციენტებში აღინიშნება სხვადასხვა ტკივილი, ცხვირის გაჭედილობა, სურდო, ფარინგიტი ან დიარეა. როგორც წესი, ეს სიმპტომები თანდათაობით ვითარდება და სუსტად გამოხატული ხასიათი აქვს. ზოგიერთ ინფიცირებულს შეიძლება საერთოდ არ აღენიშნებოდეს რაიმე სიმპტომი. ადამიანების უმრავლესობაში (დაახლოებით 80%) დგება გამოჯანმრთელება, ისე რომ სპეციფიკური დამატებითი სამედიცინო ღონისძიებები შეიძლება არც კი დასჭირდეს. COVID-19 -ის შემთხვევათა 1/6-ში აღინიშნება მძიმე სიმპტომატიკა სუნთქვის უკმარისობის განვითარებით. ხანდაზმულებსა და სომატური დაავადებების (არტერიული ჰიპერტენზია, გულ-სისხლძარღვთა სისტემის დაავადებები ან დიაბეტი) მქონე პირებში დაავადების მძიმედ განვითარების ალბათობა უფრო მაღალია. სხეულის ტემპერატურის მომატების, ხველის ან სუნთქვის გაძნელების შემთხვევაში საჭიროა მივმართოთ ექიმს.
როგორ ვრცელდება ვირუსი?
2019‑ნჩოV-ით დასნებოვნება შესაძლებელია ვირუსით დაინფიცირებული ადამიანიდან. ადამიანიდან ადამიანზე დაავადების გადაცემა შესაძლებელია COVID-19-ით დაავადებულის ცხვირიდან ან პირიდან ცემინების ან დახველების დროს გამოყოფილი წვეთების საშუალებით. ეს წვეთები ხვდება სხვადასხვა საგნებსა და ზედაპირებზე. ადამიანი შეიძლება დასნებოვნდეს ამ საგნებსა ან ზედაპირებზე შენახები ხელის სახეს, თვალის, ცხვირის არეს ან პირზე შეხებისას. ამას გარდა, დასნებოვნება შესაძლებელია მოხდეს ჩOVID-19 -ით დაავადებული ადამიანის მიერ დაცემინების ან დახველების დროს გამოყოფილი წვეთების შესუნთქვისას. ამიტომ მნიშვნელოვანია დაავადებულ ადამიანთან 1 მეტრზე მეტი დისტანციის დაცვა.
შესაძლებელია თუ არა COVID-19-ით დასნებოვნება ადამიანიდან, რომელსაც არ აღენიშნება სიმპტომები?
ვირუსი ძირითადად ვრცელდება ადამიანის სასუნთქი გზებიდან ხველების ან ცემინების დროს გამოყოფილი წვეთების საშუალებით. ადამიანიდან, რომელსაც დაავადების სიმპტომები არ აღენიშნება დასნებოვნების რისკი მცირეა. მეორეს მხრივ, ბევრ ადამიანში ჩOVID-19 -ის სიმპტომები სუსტადაა გამოხატული, განსაკუთრებით დაავადების ადრეულ სტადიაზე. ამიტომ გადადების რისკი არსებობს.
შესაძლებელია თუ არა COVID-19-ით დასნებოვნება დაავადებული ადამიანის ფეკალიებიდან?
რისკი მცირეა, მაგრამ ვირუსის წინასწარი კვლევის შედეგების თანახმად, ზოგ შემთხვევაში ვირუსი შეიძლება აღმოჩნდეს ფეკალურ მასებშიდაც. თუმცა გადაცემის მსგავსი მექანიზმი წამყვან როლს დაავადების ამჟამინდელ აფეთქებაში არ ასრულებს. აღნიშნული რისკის უგულებელყოფა არ შეიძლება, რაც კიდევ ერთი დადასტურებაა ხელების ხშირად დაბანის აუცილებლობისა, განსაკუთრებით საპირფარეშოს შემდეგ და კვების წინ.
ყველასათვის საჭირო ინდივიდუალური დაცვის ღონისძიებები.
· რეგულარულად დაიმუშავეთ ხელები სპირტის შემცველი საშუალებით ან დაიბანეთ საპონითა და წყლით;
· ადამიანებს შორის საჭიროა 1-2 მეტრი ინტერვალის დაცვა.
· შეძლებისდაგვარად არ შეეხოთ სახეს, ცხვირს, პირსა და თვალებს. სხეულის ამ ნაწილებიდან შესაძლებელია მოხდეს ვირუსის ორგანიზმში შეჭრა.
· მკაცრად დაიცავით რესპირატორული ჰიგიენის წესები. ხველების და ცემინების დროს, დაიფარეთ პირი და ცხვირი იდაყვით ან ერთჯერადი ხელსახოცით. გამოყენებული ხელსახოცი მაშინვე გადააგდეთ.
· სხეულის ტემპერატურის მომატების, ხველების და სუნთქვის გაძნელების შემთხვევაში, დაუყოვნებლივ მიმართეთ ექიმს.
რამდენ ხანს გრძელდება COVID‑19-ის ინკუბაციური პერიოდი?
ინკუბაციური პერიოდი ეს არის დრო დასნებოვნებიდან კლინიკური სიმპტომების გამოვლენამდე და იგი ჩOVID‑19 -ის შემთხვევაში გრძელდება 1 დან 14 დღემდე, ხშირად შეადგენს ხუთ დღეს.
შეიძლება თუ არა ადამიანი COVID-19-ით დასნებოვნდეს ცხოველიდან?
2019‑nCoV-ის შემთხვევაში ეს ჯერ დადასტურებული არ არის, თუმცა ინდივიდუალური დაცვის ღონისძიებები, მაგალითად ცხოველთან კონტაქტის მორიდება საჭიროა.
