კბილების გათეთრება - რა გართულებები შეიძლება მოჰყვეს პროცედურას და შეიძლება თუ არა დაბჟენილი კბილის გათეთრება
- ქალბატონო სოფო, გვერდითი მოვლენები თუ ახლავს გათეთრების პროცედურას?
- გვერდითი ეფექტებიდან ყველაზე ხშირია კბილების მომატებული მგრძნობელობა - ჰიპერესთეზია და პირის ღრუს ლორწოვანი გარსის დაზიანება.
ზემოხსენებული გართულებები დროებითია და პროცედურის დასრულებისთანავე ან რამდენიმე დღეში ქრება.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
- რა შემთხვევაში იკრძალება კბილების გათეთრება?
- გათეთრების უკუჩვენებებია:
პაროდონტის ქსოვილების ანთებითი დაავადებები;
კბილის კარიესი;
კბილის არაკარიესული დაავადებები;
ნორსულობა და ლაქტაცია;
16 წლამდე ასაკი;
კბილების ფრონტალურ მიდამოში ბჟენები და ხელოვნური გვირგვინები;
მათეთრებელ საშუალებებში შემავალი კომპონენტების მიმართ ალერგიული რეაქციების არსებობა.
- დაბჟენილი კბილის გათეთრება თუ შეიძლება?
- გათეთრებისას ფერს იცვლის კბილის ქსოვილი და არა ბჟენი. ძველი ბჟენი პროცედურის შემდგომ მკვეთრად განსხვავდება კბილის ქსოვილისაგან, პაციენტი მზად უნდა იყოს ახალი რესტავრაციის ჩასატარებლად. ამის საშუალებას კი ნამდვილად იძლევა თანამედროვე საბჟენი მასალების ფართო არჩევანი.
- გათეთრების პროცედურა მინანქარს ხომ არ დააზიანებს?
- კბილების გათეთრება არ აზიანებს კბილის ქსოვილებს (მინანქარი, დენტინი). ქიმიური გათეთრების პროცესში მინანქარ-დენტინის საზღვარზე არსებული ნახშირბადის იონები ჩანაცვლდება ჟანგბადის რადიკალებით, გათეთრების პროცედურისას იშლება წყალბადის ან კარბამიდის ზეჟანგი.
შედეგად ჟანგბადის თავისუფალი რადიკალებით გაჯერებული მინანქარ-დენტინის საზღვრის სინათლის გამტარიანობა იზრდება და კბილი იღებს 2-8 ტონით ღია შეფერილობას.
უახლესი სამეცნიერო კვლევები ადასტურებენ, რომ კბილების გათეთრება უარყოფითად არ მოქმედებს ადამიანის ჯანმრთელობაზე. კიდევ ერთხელ ვიტყვი, რომ მხოლოდ სწორად შერჩეული და დაგეგმილი პროცედურით მიიღწევა სასურველი შედეგი!
