იურიდიული კონსულტაცია
არა, არ შეიძლება. ვინაიდან თქვენ გყავთ მცირეწლოვანი შვილები, სასამართლო მოგცემთ შერიგების ვადას, რომელიც არ უნდა აღემატებოდეს 6 თვეს. თუ თქვენ და თქვენმა მეუღლემ ამ პერიოდშიც ვერ გამონახეთ საერთო ენა, მხოლოდ ასეთ შემთხვევაში გამოიტანს გადაწყვეტლებას განქორწინების შესახებ.
გთხოვთ განმიმარტოთ, დაწესებულია თუ არა რაიმე ვადა შესანახად მიბარებული ნივთის დაბრუნებისათვის (მიგვითითეთ საფუძველი).
მიმბარებელს შეუძლია, ნებისმიერ დროს მოითხოვოს შესანახად მიბარებული ნივთის დაბრუნება, იმ შემთხვევაშიც კი, თუ შენახვის ვადა განსაზღვრული არ იყო (საფუძველი: საქართველოს სამოქალაქო კოდექსის 770-ე მუხლი).
გვაინტერესებს, სიცოცხლის დაზღვევა, დამზღვევის გარდა, შეიძლება სხვა პირსაც ეხებოდეს.
კანონის თანახმად, სიცოცხლის დაზღვევა შეიძლება ეხებოდეს დამზღვევს ან სხვა პირს, მაგრამ აქვე გასათვალისწინებელია, რომ თუ სიცოცხლის დაზღვევის ხელშეკრულება დადებულია სხვა პირის სასარგებლოდ - აუცილებელია ამ პირის ან მისი კანონიერი წარმომადგენლის წერილობითი თანხმობა.
თუ შეიძლება, განგვიმარტეთ, რა შემთხვევაში თავისუფლდება მზღვეველი თავისი მოვალეობისაგან და როგორია ამ შემთხვევაში დამზღვევის მემკვიდრის უფლებები.
სიცოცხლის დაზღვევისას მზღვეველი თავისუფლდება თავისი მოვალეობისგან, თუ პირი, რომლის სიცოცხლეც დაზღვეული იყო, თავს მოიკლავს. აღსანიშნავია, რომ დამზღვევის მემკვიდრეს უფლება აქვს, მოითხოვოს გადახდილი სადაზღვევო შესატანების დაბრუნება.
გთხოვთ მაცნობოთ, რა შემთხვევაშია ვალდებული დამსაქმებელი, ამინაზღაუროს შრომითი მოვალეობის შესრულებისას მოყენებული ზიანი.
დამსაქმებელი ვალდებულია, აგინაზღაუროთ ზიანი, თუ იგი მიადგა თქვენს ჯანმრთელობას შრომითი მოვალეობის შესრულებისას და გამოწვეული იყო დამსაქმებლის ბრალეული მოქმედებით. გთხოვთ, განგვიმარტოთ, კანონის თანახმად, რა ვალდებულებებია დაწესებული სადაზღვევო შესატანის გადახდისთვის.
დამზღვევი ვალდებულია, გადაიხადოს სადაზღვევო შესატანი მხოლოდ დაზღვევის დამადასტურებელი საბუთების მიღების შემდეგ.
ვინაიდან ჩემს მიმართ მიღებული გადაწყვეტილება ზიანის ანაზღაურებაზე უარის თქმის შესახებ მიმაჩნია უკანონოდ, გთხოვთ, განმიმარტოთ, წყდება თუ არა ზიანის ანაზღაურების ყოველთვიური სარჩოს გაცემის ვალდებულება იმ დაწესებულების გაკოტრების შემთხვევაში, რომელიც გარკვეულ თანხას მიხდიდა.
საქართველოს მთავრობის 2007 წლის 24 მარტის დადგენილების შესაბამისად, დამსაქმებლის გაკოტრების ან ლიკვიდაციის შემთხვევაში, დანიშნული "ზიანის ანაზღაურების ყოველთვიური სარჩოს" გაცემის ვალდებულება წყდება.
ვარ საჯარო მოსამსახურე, ვიმყოფები საავადმყოფო ფურცელზე. იმ პერიოდში, რაც ბიულეტენზე ვიმყოფები, შეიცვალა ჩემი კატეგორიის თანამშრომელთა თანამდებობრივი სარგო. ამინაზღაურდება თუ არა საავადმყოფო ფურცელი ახალი თანამდებობრივი სარგოს გათვალისწინებით?
დიახ, აგინაზღაურდებათ, მხოლოდ თანამდებობრივი სარგოს შეცვლის დღიდან. ამ დრომდე პერიოდის ანაზღაურება კი მოხდება ძველი თანამდებობრივი სარგოს მიხედვით.
ვარ ომში დაღუპული მეომრის ქვრივი. კომუნალური გადასახადების დასაფარავად რა ოდენობის თანხა მეკუთვნის?
თქვენ, როგორც ომში დღუპული მეომრის ქვრივს, კომუნალური გადასახადების დასაფარავად გეკუთვნით სოციალური სუბსიდია თვეში 22 ლარის ოდენობით.