რატომ უნდა ივარჯიშოთ ართრიტის დროს
ვარჯიშის შედეგად გამოთავისუფლებულ ენდორფინებს შეუძლიათ შეამცირონ ტკივილი, დროთა განმავლობაში დაკლებულმა წონამ შეიძლება შეამსუბუქოს სტრესი თქვენს ზურგზე და სახსრებზე, ხოლო მოქნილობას, მობილურობასა და სტაბილურობას, რომელსაც ვარჯიშით შედეგად მიიღებთ, შეუძლია შეამსუბუქოს მრავალი სიმპტომი.
როდესაც ართრიტის ნებისმიერი ფორმის სიმპტომები გაწუხებთ, ზოგჯერ ძნელია მოტივაცია. ტკივილი ან დაღლილობა ხელს უშლის თქვენს მოძრაობას. თუმცა, გასათვალისწინებელია, რომ უმოძრაობამ დროთა განმავლობაში შეიძლება მეტი ტკივილი გამოიწვიოს.
ართრიტის დროს ვარჯიში სამ ძირითადი მიზანს ემსახურება: მობილურობა, სტაბილურობა და მოქნილობა.
უმჯობესია დაბალი ინტენსივობის ისეთი აქტივობები, როგორიცაა სწრაფი სიარული, სტაციონარული ველოსიპედის ტარება და ცურვა. დაბალი ინტენსივობის აერობიკა შეიძლება იყოს შესანიშნავი ვარჯიში ოსტეოართრიტის მქონე ადამიანებისთვის.
შეიმუშავეთ გეგმა და ჩართეთ ვარჯიში თქვენს ყოველდღიურ რუტინაში. თუნდაც, ბაღში მუშაობა, ძაღლის გასეირნება, კიბეებზე ასვლა კარგი გზაა თქვენს ყოველდღიურ ცხოვრებაში მობილობის გასაზრდელად.
თუ თქვენ გაქვთ ართრიტი, ნებისმიერი ახალ სავარჯიშო სპეციალისტთან ერთად უნდა შეირჩეს და უნდა მოარგოთ ის თქვენს კონკრეტულ მდგომარეობას. თუ მუხლის სახსარი დაზიანებულია, მაღალი ინტენსივობის აქტივობა, როგორიცაა კალათბურთი ან ჩოგბურთი, შეიძლება არ იყოს თქვენთვის შესაფერისი, ასევე,საწყის ეტაპზე რეკომენდებულია ნებისმიერი აქტივობის მცირე დოზით ჩართვა(მაგალითად,20 წუთი კვირაში სამჯერ). დროთა განმავლობაში, რაც უფრო მეტად შეეგუებით ვარჯიშებს, შეგიძლიათ სცადოთ მათი ხანგრძლივობის გაზრდა. ფიზიოთერაპევტს შეუძლია შეიმუშაოს თქვენთვის შესაფერისი სავარჯიშო პროგრამა და გაზარდოს ინტენსივობა დროთა განმავლობაში.
თუ ვარჯიში იწვევს თქვენი მდგომარეობის გამწვავებას, შეწყვიტეთ იგი, აცნობეთ ამის შესახებ ფიზიოთერაპევტს. იდა დაგეხმარებათ განსაზღვროთ თუ რა იწვევს ტკივილს. ზოგჯერ ფორმის მარტივი კორექტირება ან ალტერნატიული სავარჯიშო მდგომარეობას აუმჯობესებს.