რომელია ყველაზე სასარგებლო და ყველაზე მავნე ცხიმის სახეობები
გაძლიერებას. თუმცა, არსებობს სხვა კატეგორიაც, რომლებიც სიფრთხილით უნდა იქნას გამოყენებული.
ცხიმის სახეობები, რომლებიც სასარგებლოა ჯანმრთელობისათვის:
ზეითუნის ზეთი - იგი ცნობილი, ხმელთაშუა ზღვის დიეტის ძირითადი ინგრედიენტია. ეს დიეტა კი ხელს უწყობს გულის ჯანმრთელობას. ზეითუნის ზეთი მიღებულია მაღალ ტემპერატურაზე დამუშავების და ქიმიკატების გამოყენების გარეშე. ზეითუნის ზეთში შენარჩუნებულია სასარგებლო ელემენტები, რომელთაც ფენოლები ეწოდებათ. მათ გააჩნიათ ანთების საწინააღმდეგო მოქმედება, ზრდიან სისხლძარღვების ელასტიურობას.
სელის ზეთი - მდიდარია ომეგა-3 ცხიმოვანი მჟავებით, ასევე სასარგებლოა სეზამის ზეთიც. მას გააჩნია ანტიოქსიდანტური თვისებები, ხელს უშლის ათეროსკლეროზის განვითარებას.
ავოკადოს ზეთი - შეიცავს მონოუჯერ ცხიმებს. მაღალ ტემპერატურაზე გაცხელებისას(მაგ: შეწვისას) არ გამოყოფს მავნე ნივთიერებებს.
მზესუმზირის ზეთი - შეიცავს ნაჯერზე უფრო მეტ უჯერ ცხიმს. E ვიტამინის კარგი წყაროა.
ზეთის სახეობები, რომელთა გამოყენების შეზღუდვაც უმჯობესია:
ქოქოსის ზეთი - ერთ-ერთი კვლევის მიხედვით, ქოქოსის ზეთი შეიცავს ისეთ ცხიმებს, რომელთა გარდაქმნაც ორგანიზმს უჭირს. ასევე ის ზრდის ,,ცუდი“ ქოლესტეროლის დონეს.
ნაწილობრივ ჰიდროგენიზებული ცხიმები - ისინი ჯანმრთელობისათვის მავნე ტრანს ცხიმების წყაროა.
პალმის ზეთი - შედგება ნაჯერი და უჯერი ცხიმებისაგან. ნაჯერ ცხიმებს განსაკუთრებული ყურადღება უნდა მიაქციონ დიაბეტის მქონე პირებმა და მოერიდონ ისეთი ცხიმის მიღებას, როგორიცაა პალმის ზეთი