თათია მარტიაშვილი

დასკვნა გამოქვეყნდა ჟურნალში „Cell”. კვლევის შედეგები შესაძლოა, დაეხმაროს ადამიანებს ლაიმის დაავადების აღმოფხვრაში, ასევე ქრონიკული ფორმების განვითარებისგან თავდაცვაში.

მკვლევარებმა შეისწავლეს და მოიძეს ნაერთები, რომლებიც ეფექტური იქნებოდა B. Burgdorferi-ის გასანადგურებლად, ეს არის ყველაზე გავრცელებული ბაქტერია, რომელიც ლაიმის დაავადებას იწვევს.

ჯერ კიდევ 1953 წელს ექსპერტებმა ნიადაგში აღმოაჩინეს ნაერთი ჰიგრომიცინი A, რომლსაც ანტიმიკრობული ეფექტი ჰქონდა.

თუმცა, მისი ეფექტურობა საკმარისი ვერ აღმოჩნდა რეგულარული პათოგენების წინააღმდეგ.

ამიტომაც, ის აღარავის აინტერესებდა და განიხილებოდა, როგორც ძალიან სუსტი ნაერთი პათოგენებთან წინააღმდეგ საბრძოლველად.

ცოტა ხნის წინ, მკვლევარებმა აღმოაჩინეს, რომ მისი სისუსტის მიუხედავად, ის ძლიერი ნაერთია სპიროქეტების წინააღმდეგ.

სპიროქეტები არის ბაქტერიების ტიპი, რომელიც სპირალური ფორმით ხასიათდება და მათ შორის არის B. Burgdorferi.

ექსპერტებმა ჩაატარეს ლაიმით დაავადებულ თაგვებზე ექსპერიმენტი და როგორც აღმოჩნდა, ჰიგირომიცინი A-ს გამოყენების შემდეგ B. Burgdorferi სრულიად განადგურდა მათ ორგანზიმში.

კვლევამ აჩვენა ისიც, რომ ჰიგირომიცინი A ნაწლავის მიკრობიომზე უფრო ნაკლებ ზეგავლენას ახდენდა, ვიდრე ჩვეულებრივი ფართო სპექტრის ანტიბიოტიკები.

კვლევის შედეგები დამაიმედებელია და შესაძლოა, მეცნიერებმა დაავადების აღმოფხვრა შეძლონ, თუმცა სანამ სპეციალისტები ჰიგირომიცინ A-ს ლაიმით დაავადებულ ადამიანებში გამოიყენებენ, საჭიროა დამატებითი კვლევები.

გაიგეთ უფრო მეტი ლაიმის დაავადების შესახებ - გადადით ლინკზე.