მარიამ ფოლადაშვილი

პათოლოგიას ახასიათებს მოლურჯო-მოიასამნისფრო შეფერილობის ვენები, ზოგჯერ თან ახლავს - ტკივილი, ქვემო კიდურების შეშუპება, წვის შეგრძნება, ქავილი.

ვენების ვარიკოზული გაგანიერების მიზეზებია:

• ჭარბი წონა;
• დიდ ხნის მანძილზე ფეხზე დგომა ან ჯდომა;
• ქვემო კიდურების ხანგრძლივი დატვირთვა;
• ჰორმონალური დისბალანსი;
• ვენური უკმარისობა;
• მოჭერილი ტანსაცმელი;
• ქვემო კიდურებზე გადატანილი ტრავმა;
• მაღალქუსლიანი ფეხსაცმლის ხანგრძლივი გამოყენება

ქვემო კიდურების ვარიკოზული დაავადება თანდათანობით ვითარდება და პროგრესირებადი ხასიათი აქვს, რაც კანქვეშა ვენების ზომისა და ფორმის ცვლილებას იწვევს.

სიმპტომები:

• ქვემო კიდურების ადვილად დაღლა;
• შეშუპება ტერფების, კოჭის, წვივის არეში;
• სიმძიმისა და წვის შეგრძნება, რომელიც დღის ბოლოს უფრო მეტად მწვავდება;
• კუნთების უნებლიე კრუნჩხვა;
• ქავილი;
• მოუსვენარი ფეხების შეგრძნება

რა უნდა გავითვალისწინოთ ვარიკოზული ვენების არსებობის შემთხვევაში

თუ სისხლძარღვოვანი ბადე მთელ კიდურზე ვრცელდება, შეშუპება დასვენების შემდეგაც არ ქრება, უმჯობესია ფიზიკური დატვირთვისგან თავი შეიკავოთ.

ვენების ვარიკოზული გაგანიერების დროს დადებითად მოქმედებს ცურვა, სასარგებლოა აკვააერობიკა.

ვენების ვარიკოზული გაგანიერებისას აკრძალულია ფიზიკური დატვირთვის ზოგიერთი სახეობა, მაგალითად, ძალისმიერი აერობიკა ან ისეთი სავარჯიშოები, რომლებიც სირბილს, ხტუნაობასა და ინტენსიურ მოძრაობებს მოიცავს.

ვენების ვარიკოზული გაგანიერებისას სასურველია რაციონის დაბალანსებაც. ვენებისთვის სასარგებლოა:

• კვერცხის გული, ზეითუნის ზეთი, ბარდა, სალათის ფურცლების - ისინი შეიცავენ E ვიტამინს,რომელიც სისხლძარღვებს ელასტიკურობას უნარჩუნებს

არანაკლებ სასარგებლოა Cვიტამინის შემცველი პროდუქტები:

• პომიდორი;
• კომბოსტო;
• ბულგარული წიწაკა;
• ციტრუსები;
• შავი მოცხარი

ამას გარდა, დადებითად მოქმედებს:

• შავი და მწვანე ჩაი
• ჭარხალი
• ზღვის პროდუქტები

ვენების დაზიანების პრევენციისათვის:

• მოერიდეთ მძიმე ტვირთის აწევას;
• ჯდომისას, წოლისას ეცადეთ ფეხები შემაღლებულ ადგილას მოათავსოთ;
• მოერიდეთ საუნას;
• მოერიდეთ მზის პირდაპირ სხივებს