რომელი სასმელი უნდა მივაყოლოთ წამლებს
ეს სერიოზული შეცდომაა.საქმე ის არის, რომ ყოველგვარ წამალს, მცენარეული წარმოშობისასაც კი, აქვს განსაკუთრებული ქიმიური შემადგენლობა, რომელსაც შეუძლია, რეაქციაში შევიდეს საკვებსა თუ სასმელთან (გამონაკლისია მხოლოდ ჩვეულებრივი სასმელი წყალი).
ამ დროს კუჭში იწყება ნამდვილი ქიმიური რეაქცია და წარმოიქმნება სრულიად განსხვავებული ნართები, რომლებიც არათუ ვერ კურნავს, არამედ შეუძლია ავნოს კიდეც ჯანმრთელობას. არ მიაყოლოთ აბებს წვენი ან კომპოტი - ეს სასმელები შეიცავს ხილის მჟავებს, რომლებსაც შეუძლია წამლის სტრუქტურის დაშლა ან მისი ფარმაკოლოგიური შემადგენლობის შეცვლა, შედეგად კი - სამკურნალო თვისებებისაც. განსაკუთრებით სახიფათო ნაერთებს ქმნის წვენები შემდეგ პრეპარატებთან:
წნევისა და სისხლში ქოლესტერინის დონის დამწევ საშუალებებთან;
აცეტილსალიცილის მჟავასთან (ასპირინთან) და ანტიბიოტიკებთან;
ანტაციდებსა და სიცხის დამწევებთან.
მხოლოდ წყალი
თუ ექიმს არ მოუცია თქვენთვის საგანგებო რეკომენდაცია აბების მიღების წესის თაობაზე, უმჯობესია, წამალს დააყოლოთ სუფთა, უგაზო, ოთახის ტემპერატურის წყალი. ერთ აბს არანაკლებ ნახევარი ჭიქა (და არა 1-2 ყლუპი) წყალი სჭირდება. განსაკუთრებულ შემთხვევებში შეიძლება უფრო მეტის დაყოლებაც დაგჭირდეთ, არანაკლებ ერთი ჭიქისა.