ვარჯიში უფრო ნაყოფიერია, როდესაც თქვენ სიამოვნებას იღებთ პროცესით
ნებისმიერი ინტენსივობის ვარჯიში ხელს უწყობს თქვენი სხეულის გაჯანსაღებას და თავიდან იცილებთ სხვადასხვა დაავადებების განვითარების რისკს. მსოფლიოს ბევრ ქვეყანაში, მათ შორის შეერთებულ შტატებში, ჭარბი წონისა და სიმსუქნით დაავადებულ ადამიანთა რიცხვი ყოველწლიურად იზრდება. უახლესი მონაცემებით აშშ-ში ყოველი მესამე ადამიანი ჭარბ წონას ებრძვის. მათთვის ვარჯიში ერთ-ერთი საუკეთესო გამოსავალია, რათა ზედმეტი კილოგრამები მოიშორონ.
ზოგიერთი ადამიანისთვის ვარჯიშის დაწყება სირთულეებთან არის დაკავშირებული და დიდი ხნის განმავლობაში ვერ ახერხებს ამას. არსებობს რამდენიმე საშუალება, რომელიც დაგეხმარებათ ვარჯიშის დაწყებასა და ვარჯიშით სიამოვნების მიღებაში.
პირველი და მთავარი არის მიზნის ქონა. უნდა გქონდეთ მკაფიო მიზანი:
ვიდრე ვარჯიშს დაიწყებთ, აუცილებელია, დაისახოთ მიზანი, აგრეთვე უნდა გახსოვდეთ მიზეზი, რის გამოც იწყებთ ვარჯიშს. ეს შეიძლება იყოს კარგ ფორმაში ყოფნა, ჯანმრთელობის მდგომარეობის გაუმჯობესება და ა.შ.
ივარჯიშეთ საკუთარი ტემპით: ძალიან სწრაფმა ვაჯრიშმა შეიძლება გაზარდოს ტრავმის რისკი
აღნიშნეთ მცირე ცვლილებებიც თქვენს სხეულზე. ეს მოტივაციას უფრო გაგიზრდით და უფრო მეტი შემართებით გააგრძელებთ ვარჯიშს.
ისიამოვნეთ: ვარჯიში უფრო ნაყოფიერია, როდესაც თქვენ სიამოვნებას იღებთ პროცესით.
გაწევრიანდით სპორტდარბაზში მეგობართან ერთად
თუ მეგობართან ერთად გაწევრიანდით ფიტნეს კლუბში, ან მეგობართან ერთად ივარჯიშებთ, შეგიძლიათ უფრო მეტად ისიამოვნოთ სესიებით.