როგორ ვუმკურნალოთ ენდომეტრიოზით გამოწვეულ ფეხის ტკივილს
ენდომეტრიოზი არის ქრონიკული, არასიმსივნური მდგომარეობა, როდესაც ენდომეტრიუმის უჯრედები იზრდება საშვილოსნოს გარეთ და იწვევს ქრონიკულ ანთებას სხვადსახვა ადგილას. ძნელია იმის დადგენა, თუ რამდენ ადამიანს აქვს ენდომეტრიოზი, რადგან ეს მდგომარეობა ხშირად დიაგნოზის გარეშე რჩება. ზოგიერთი კვლევის თანახმად შეერთებულ შტატებში 10 ქალიდან ერთს მაინც აქვს ენდომეტრიოზი.
ენდომეტრიოზის მქონე ბევრ ადამიანს აქვს მტკივნეული, მძიმე მენსტრუაცია და მენჯის ტკივილი. ზოგჯერ, ენდომეტრიოზის ზრდამ შეიძლება გავლენა მოახდინოს მენჯის მიმდებარე ნერვებზე, რამაც შეიძლება გამოიწვიოს ტკივილი ფეხებში, თეძოებსა და დუნდულოებში.
ექსპერტებმა ახლახანს დაიწყეს იმის აღიარება, თუ რამდენად გავრცელებული შეიძლება იყოს ფეხის ტკივილი ენდომეტრიოზის მქონე ადამიანებში. კვლევაში ნათქვამია, რომ ამ დაავადების მქონე ადამიანების 50 პროცენტს შეიძლება აღენიშნებოდეს ფეხის ტკივილი.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
ენდომეტრიოზის მქონე ადამიანმა შეიძლება იგრძნოს ტკივილი სხეულის ქვედა ნაწილში, თუ ეს მდგომარეობა გავლენას ახდენს მენჯის ნერვებზე. ენდომეტრიოზთან დაკავშირებული ფეხის ტკივილის დიაგნოსტიკა შეიძლება რთული იყოს.
ამ სტატიაში განვიხილავთ, რატომ შეიძლება გამოიწვიოს ენდომეტრიოზმა ფეხის ტკივილი და რა შეიძლება გააკეთოს ადამიანმა სახლში ან ექიმის დახმარებით.
საჯდომის ნერვი ადამიანის ორგანიზმში ყველაზე დიდ და გრძელ ნერვად ითვლება. ამ ნერვზე ზეწოლამ შესაძლოა, გამოიწვიოს ტკივილი სხეულის ქვედა ნაწილში და მრავალი სხვა სიმპტომი. მათგან ყველაზე აღსანიშნავია: ტკივილი, ჩხვლეტა და დაბუჟება სხეულის შემდეგ არეებში:
- წვივის გარეთ
- ბარძაყის უკან
- მუხლზე
- ქუსლისა და ტერფის ზედა ნაწილზე
- თეძოებზე
- დუნდულოზე
როგორ ვუმკურნალოთ ენდომეტრიოზით გამოწვეულ ტკივილს ფეხის არეში
არსებობს რამდენიმე გზა, თუ როგორ უნდა გაუმკლავდეთ ფეხის ტკივილს ენდომეტრიოზის დროს. ზოგადად, ფეხის ტკივილის მკურნალობით აგრეთვე ვამცირებთ სხვა სიმპტომებისაც.
ყოველდღიური რჩევები შვების მოსაპოვებლად:
- ნაზი გაჭიმვა, ფოკუსირება დუნდულოებზე, ბარძაყებისა და წვივის კუნთებზე.
- ნაზი ვარჯიში, როგორიცაა იოგა, ცურვა ან ხშირად სიარული დაგეხმარებათ ანთების შემსუბუქებაში.
- მიიღეთ ურეცეპტოდ გაცემული ტკივილგამაყუჩებლები ანთების და ტკივილის შესამსუბუქებლად.
- მიირთვით ხილი და ბოსტნეული, განსაკუთრებით ბოჭკოვანი და ანტიოქსიდანტებით მდიდარი საკვები, როგორიცაა ფოთლოვანი მწვანე ბოსტნეული, კენკრა და ციტრუსოვანი ხილი.
- მიირთვით უცხიმო ხორცი და თხილეული.
- შეზღუდეთ ანთებასთან დაკავშირებული საკვები, ალკოჰოლი და ძლიერ რაფინირებული ან დაკონსერვებული პროდუქტები.
- დაიდეთ ყინული დაზიანებულ ადგილზე
- მოერიდეთ სტრესს, განსაკუთრებით მენსტრუაციის დროს.
- ესაუბრეთ ფსიქიკური ჯანმრთელობის პროფესიონალს, რომ მიიღოთ დახმარება ქრონიკული ტკივილით ცხოვრების სტრესის მართვაში.
ავტორი: ია რომანაძე
