ოთახის მცენარეები სარგებელი და საფრთხე
რითაა სასარგებლო ოთახის მცენარეები და რამდენად უსაფრთხოა ისინი?
ლამაზი, მაგრამ მომწამვლელი
გულის რიტმის ცვლილების, ინტოქსიკაციის, გულისრევის, ლორწოვანის დამწვრობისა და სხვა ნევროლოგიური სიმპტომების პროვოცირება შეიძლება მოახდინოს ზოგიერთ მცენარეში არსებულმა მომწამვლელმა ნივთიერებებმა. შხამს შეიცავს მათი ყვავილები ან ფოთლები. თუ მოზრდილ ადამიანს აზრად არ მოუვა მათი გემოს გასინჯვა, ბავშვები და ცხოველები ამ მხრივ საფრთხეში არიან.
მოყვარული მეყვავილეები ხშირად მცენარეებს გარეგნული იერსახით ირჩევენ და არ ფიქრობენ მათ გვერდით ეფექტებზე. ზოგიერთი ოთახის მცენარის ჩამონათვალი, რომელთანაც ფრთხილად უნდა ვიყოთ:
- აზალია;
- პუანსეტია;
- კროტონი;
- ღრუბლისებრი რძიანა;
- დეკორატიული ძაღლყურძენა;
- ბროვალია;
- ბრუნგმასია;
- აგლაონემა;
- დიფენბახია;
- სპატიფილუმი;
- ფილოდენდრონი;
- შროშანი;
- ოლეანდრე;
- ადენიუმი;
- კატარანტუსი;
- პახიპოდიუმი;
- სენსევიერია;
- კალადიუმი.
არსებობს რამდენიმე მარტივი წესი, თუ როგორ შევინარჩუნოთ ოთახის მცენარეების სარგებელი და შევამციროთ მათი საფრთხე:
- მცენარეები მოვათასოთ ბავშვებისა და შინაური ცხოველებისათვის მიუწვდომელ ადგილზე;
- რეგულარულად მოვუაროთ მცენარეებს და გავასუფთაოთ მტვრისგან;
- მცენარეებთან მუშაობისას ჩავიცვათ ხელთათმანები ან სამუშაოს დასრულებისთანავე დავიბანოთ ხელები;
- მცენარეების გადანაჭერები არ გადავაგდოთ ადვილად მისაწვდომ ადგილებში.
ოთახის სამკურნალო მცენარეებიდან ლიდერი ალოე და კალანხოეა. ისინი გამოიყენება კუჭ-ნაწლავის ტრაქტის, ზედა სასუნთქი გზების, სასქესო ორგანოების დაავადებების სამკურნალოდ. მათ შეიძლება გამოიწვიონ გვერდითი ეფექტები, ამიტომ მათი თვითნებურად გამოყენებისაგან თავი უნდა შევიკავოთ და უმჯობესია სპეციალისტის კონსულტაცია.
ზამთრის დადგომასთან ერთად, ჰაერი ოთახებში ცენტრალური გათბობის გამო შრება. ოთახის მცენრეების კიდევ ერთი სასარგებლო თვისებაა ის, რომ ისინი ატენიანებენ ჰაერს. მთელ ბინაში თანაბრად განთავსებული მცენარეები ამსუბუქებენ და ამცირებენ ლორწოვანის სიმშრალეს და აუმჯობესებენ კანის მდგომარეობას.
თუ სახლში ტენიანობა მაღალია, ყვავილების სიჭარბემ შეიძლება ტროპიკულის მსგავსი კლიმატი შექმნას, რითაც სოკოსა და ობის გაჩენის პირობებიც იქმნება.
არსებობს სოკოები, რომლებიც უშუალოდ მცენარეზე და გრუნტში ცოცხლობენ. ისინი გადარჩებიან ჩვეულებრივ ოთახის ტემპერატურაზე. მათ მიერ მთელი წლის განმავლობაში გამოყოფილმა სპორებმა შეიძლება გამოიწვიოს სურდო, ქრონიკული დაღლილობა და თავის ტკივილი. ამიტომ ყველაზე სასარგებლო ოთახის მცენარეებიც კი შეიძლება სახლისთვის საშიში გახდეს. სპეციალისტები გვირჩევენ მცენარის დარგვის წინ, დავამუშაოთ გრუნტი სპეციალური ხსნარით. მცენარეები ზომიერად უნდა მოვრწყოთ და მოვამრავლოთ, სახლი ჯუნგლებს არ უნდა დავამსგავსოთ.