რომელ მედიკამენტებთან ერთად არ უნდა მიიღოთ რძის პროდუქტები?
20.06.2024
რძის პროდუქტებმა, როგორიცაა რძე, იოგურტი და ყველი, შეიძლება შეამცირონ ანტიბიოტიკების შეწოვა.
ამის შესახებ Daily Mail-ს კლინიკურმა ფარმაკოლოგმა საიმონ მაქსველმა განუცხადა. სპეციალისტმა აღნიშნა, რომ ანტიბიოტიკები არის ბუნებრივი და სინთეზური ანტიმიკრობული ნივთიერებები (მედიკამენტები), რომლებიც ფართოდ გამოიყენება ინფექციების სამკურნალოდ.
- ისინი შერჩევით აფერხებენ გარკვეული ტიპის ბაქტერიების სიცოცხლისუნარიანობას. ასეთი მედიკამენტების მიღება არ შეიძლება რძის პროდუქტების მიღებამდე ორი საათით ადრე ან მის შემდეგ.
აღნიშნული წესი განსაკუთრებით მნიშვნელოვანია ტეტრაციკლინების (როგორიცაა დოქსიციკლინი) და ფტორქინოლონების (როგორიცაა ციპროფლოქსაცინი) გამოყენების დროს. „მიჩნეულია, რომ ასეთი წამლების მოლეკულები უკავშირდება რძის პროდუქტებში შემავალ კალციუმს და წარმოქმნის ნივთიერებას, რომელსაც ორგანიზმი ვერ ითვისებს. ეს ამცირებს ანტიბიოტიკის ბიოშეღწევადობას“, - განმარტა მაქსველმა.
