ძუძუთი კვებისას წამოჭრილი პრობლემები
პატარას რძე. საშიში არაფერია - ბავშვი რძის უმეტეს წილს პირველი 8-10 წუთის განმავლობაში გამოწოვს. ძუძუს წოვისას ჩაძინებულ პატარას როგორც კი საწოლში ჩააწვენენ, უმალვე იღვიძებს და ტირილს იწყებს. დედას ჰგონია, რძე არ ჰყოფნისო და ისევ აძლევს ძუძუს, პატარას კი ცივი და ხმელი საწოლი აღვიძებს.
როგორ მოვიქცეთ, თუ ბავშვმა საწოლში ჩაწვენისთანავე გაიღვიძა? როგორც კი ატირდება, მაშინვე ძუძუს ნუ მოაწოვებთ. დაე, ცოტა ხანს იტიროს. შეგიძლიათ, მატყუარა საწოვარა მისცეთ. პატარა უნდა მიე-ჩვიოს, რომ საჭმელს მხოლოდ რამდენიმე საათში ერთხელ მიიღებს და თუ სურს, დანაყრდეს, უფრო აქტიურად უნდა წოვოს.
ბრტყელი და ჩაზნექილი კერტები
ასეთი ძუძუსთავების მქონე ქალისთვის ბავშვის კვება იოლი არ არის. ხშირად საქმეს კერტების ოდნავი მასაჟიც შველის. პირველ ხანებში შეგიძლიათ საგანგებო საწოვარა გამოიყენოთ. ეს არის შუშის კონუსზე წამოცმული რეზინის საწოვარა, რომელსაც ძუძუზე იდებენ. როცა პატარა რეზინის ბუნიკს წოვს, კო-ნუსში ვაკუუმი იქმნება, კერტის ირგვლივ არსებული წრე მასში შეიწოვება და სარძევე ჯირკვლიდან რძე იწყებს დენას.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
რეზინის ბუნიკი არცთუ მოხერხებული საშუალებაა - რომ დანაყრდეს, ბავშვმა ჩვეულებრივზე ღონივრად უნდა წოვოს, თუმცა სულ არარაობას ნამდვილად სჯობს. ჭამის დასაწყისში ბავშვს 2-3 წუთი ამ საწო-ვარათი აწოვეთ, ხოლო ძუძუსთავი რომ გამოიზნიქება, სცადეთ, ძუძუ საწოვარას გარეშე ჩაუდოთ პირში. გარდა ამისა, თითებით რამდენიმე წვეთი რძე გამოიწურეთ. ძუძუსთავის ირგვლივ წრე დარბილდება და პატარას პირის მოკიდება გაუადვილდება. ძუძუსთავის ირგვლივ წრე ცერა და საჩვენებელი თითებით დაჭიმეთ და ბავშვს პირში ჩაუდეთ.
ტკივილი ძუძუთი კვების დროს
ლოგინობის პირველ კვირას ბავშვის კვებისას შესაძლოა, მუცლის ქვედა არეში მტკივნეული სპაზმები შეიგრძნოთ. საქმე ის არის, რომ ძუძუს წოვა საშვილოსნოს შეკუმშვას იწვევს. ამგვარად საშვილოსნო თავის უწინდელ ზომებს იბრუნებს. სპაზმები მალე გაივლის. ძუძუს წოვის პირველ წამებში ხშირად კერტებში მკვეთრი ტკივილი გაიელვებს. არ შეშინდეთ, ეს ავადმყოფობა არ არის. ტკივილი მალე გაივლის.
ძუძუსთავების დახეთქვა
თუ ძუძუსთავების ტკივილი კვების ბოლომდე გრძელდება, შესაძლოა, ისინი დახეთქილი გქონდეთ. კერტები კარგად დაითვალიერეთ. თუ რომელიმეზე ნახეთქი შეამჩნიეთ, ეს ძუძუ ერთი-ორი დღე-ღამის განმავლობაში დაასვენეთ. უკიდურეს შემთხვევაში, 8 საათში ერთხელ მოაწოვეთ, ისიც - მხოლოდ 2-3 წუთით. ვიდრე ნახეთქი არ მოგიშუშდებათ, რძე ხელით გამოიწველეთ.
თუ დასვენების შემდეგ ძუძუსთავი უკეთ გამოიყურება, ბავშვს ძუძუ ისევ მიეცით. თუ წოვისას ტკივილი ვერ იგრძენით, შეგიძლიათ, კვება განაგრძოთ, ოღონდ ეცადეთ, თავდაპირველად 15 წუთზე მეტხანს არ აწოვოთ. თუ ტკივილმა ისევ შეგაწუხათ და ნახეთქიც ხელახლა გაჩნდა, მთელი სამკურნალო პროცედურა თავიდან უნდა დაიწყოთ.
ორეოლის შესივება
მისი ყველაზე უბრალო მიზეზია რძით ავსებული სარძევე სადინარები, რომლებიც კერტის ირგვლივ არსებული წრის ქვემოთ მდებარეობს. სადინარების რძით ავსებისას დედა არავითარ უხერხულობას არ გრძნობს, მაგრამ კერტის ირგვლივ წრე მაგრდება. ბავშვს მისთვის ღრძილების მოკიდება უჭირს, პირს ჰკიდებს მხოლოდ კერტს და მას ღეჭავს. შედეგად დედას ძუძუსთავი უღიზიანდება და სტკივა.
თუ კერტის ირგვლივ წრე შესივდა და გამაგრდა, საჭიროა ცოტაოდენი რძის გამოწურვა. ბევრი რძე არ გამოიწველოთ, თითოეული ძუძუსთვის 2-5 წუთი სავსებით საკმარისია. შემდეგ კერტის ირგვლივ წრე თითებით დაიკავეთ და ბავშვს პირში ჩაუდეთ. ამგვარად მას პირის მოკიდება და წოვა გაუადვილდება.
ძუძუსთავების შესივება მშობიარობის შემდგომი პირველი კვირის დასასრულს შეიმჩნევა. შესივება 2-3 დღეს გრძელდება, შემდეგ ცხრება და, ჩვეულებრივ, აღარ მეორდება.
დაიხსომეთ! მიუხედავად ზემოთ ნახსენები პრობლემების გაჩენისა, პატარას ძუძუ მაინც უნდა აწოვოთ, პრობლემის აღმოფხვრამდე ხელით გამოიწველეთ, რომ რძე არ დაგროვდეს და უფრო სერიოზული პრობლემა არ შეგექმნათ - ესაა სარძევე ჯირკვლის გამაგრება, ძუძუს ანთება, ჯირკვლის შიგნით ჩირქგროვის გაჩენა. ამ ადგილზე კანი წითლდება, იწყება ანთებითი პროცესისთვის დამახასიათებელი ნიშნების გამოვლენა - სიმხურვალე, ტემპერატურის მომატება და ა.შ. ამ დროს დაუყოვნებლივ მიმართეთ ექიმს. პრობლემის აღმოფხვრისთანავე განაგრძეთ ჩვილის ძუძუთი კვება. დედის რძე ხომ შეუცვლელი საკვებია წლამდე ასაკის ბავშვისთვის.
