"ბალნეოკურორტი წყალტუბო" ოფიციალურად გახდა ევროპული ისტორიული თერმული ქალაქების ასოციაციის (EHTTA) წევრი - მკურნალი.გე

რუბრიკები

ოჯახის მკურნალის ანონსი

აგვისტო 2019

კითხვა-პასუხი

"ბალნეოკურორტი წყალტუბო" ოფიციალურად გახდა ევროპული ისტორიული თერმული ქალაქების ასოციაციის (EHTTA) წევრი

"ბალნეოკურორტი წყალტუბო" ოფიციალურად გახდა ევროპული ისტორიული თერმული ქალაქების ასოციაციის (EHTTA) წევრი
Mkurnali.ge ესაუბრა კურორტის მთავარ ექიმს - ნანა გვიშიანსა და მარკეტინგისა და პიარის
სამსახურის ხელმძღვანელს - სალომე ბიბილაშვილს:

"მდებარეობა, მთისა და ზღვის ჰაერის შერწყმა, ბუნებრივი ტემპერატურის უნიკალური რადონული წყლის არსებობა ანიჭებს ჩვენს კურორტს "განუმეორებლის" სახელს.

წყალტუბოს მინერალური წყლის მაღალხარისხოვნების მაჩვენებელია ბუნებრივი ოპტიმალური ტემპერატურის მუდმივობა, რაც ხელს უწყობს აბაზანების ადვილად ამტანიანობას. წყალი აბაზანებში პირდაპირ წყაროებიდან შედის თვითდინებით, ტუმბოების გამოყენების გარეშე. მკურნალობა მიმდინარეობს მუდმივად გამდინარე წყალში, ანუ მინერალური წყალი პროცედურის დასრულებამდე განუწყვეტლივ შემოედინება აბაზანაში და გადაედინება, რითაც წყალი მუდმივად ინარჩუნებს ფიზიკურ-ქიმიურ და სამკურნალო თვისებებს,
ერთგვაროვნებასა და ტემპერატურას. შედეგად, ადამიანი იმყოფება მუდმივად ახალ წყალში. ამასთან, აღსანიშნავია, რომ წყალტუბოს მინერალური წყალი არ არის აგრესიული და ადვილად ასატანია ნებისმიერი ასაკის პაციენტისათვის. აქედან გამომდინარე, კურორტზე მკურნალობა შეუძლიათ ადამიანებს 4 წლიდან და ზემოთ - ასაკის შეუზღუდავად.

რადონი და მისი დაშლის პროდუქტები მაღლა სწევენ ორგანიზმის
დაცვით ფუნქციებს, აძლიერებს იმუნურ სისტემას, ააქტიურებს სისხლის მიმოქცევას, არეგულირებს წნევას, ხელს უწყობს უჯრედების აღდგენა-რეგენერაციას (ჭრილობებისა და დამწვრობების შემდეგ), აქვს ტკივილგამაყუჩებელი და ანთების საწინააღმდეგო ეფექტი, ახასიათებს მკვეთრად გამოხატული სედატიური (დამამშვიდებელი) ეფექტი, ააქტიურებს კოგნიტურ ფუნქციებს.
წყალტუბო წარმოადგენს არასეზონურ კურორტს და იგი ფუნქციონირებს მთელი წლის განმავლობაში (დასვენების დღეების გარეშე).

წყალტუბოს მინერალური-რადონული წყალი გამოიყენება შემდეგ დაავადებების სამკურნალოდ:

  • საყრდენ-მამოძრავებელი აპარატის დაავადებები (ოსტეოქონდროზი, ართროზები, ართრიტები, დისკოგენური რადიკულიტები და სხვა.)
  • გულ-სისხლძარღვთა სისტემის დაავადებები (პოსტინფარქტული მდგომარეობა, შუნტირების შემდგომი პერიოდი, ჰიპერტენზია და სხვა)
  • ცენტრალური და პერიფერიული ნერვული სისტემის დაავადებები (ნევროზი, ცენტრალური სისხლის მიმოქცევის მოშლა, ნევრიტი და ნეიროპათიები და სხვა)
  • გინეკოლოგიური დაავადებები (ანთებითი პროცესები, უნაყოფობა და სხვა)
  • უროლოგიური დაავადებები (ანთებითი დაავადებები, იმპოტენცია)
  • კანის დაავადებები (ფსორიაზი, ეკზემა, ნეიროდერმიტი და სხვა)
  • ენდოკრინული სისტემის დაავადებები (დიფუზური ჩიყვი, პოდაგრა, შაქრიანი დიაბეტის ზოგიერთი ფორმები და სხვა)


აღნიშნული დაავადებების სამკურნალოდ, შემუშავებული გვაქვს შესაბამისი სამკურნალო პროგრამები, რომლებიც ინიშნება ინდივიდუალურად - პაციენტის საერთო მდგომარეობისა და დიაგნოზის გათვალისწინებით. აღნიშნულ პროგრამებში, გამოიყენება ჩვენთან არსებული 15 სხვადასხვა სახის სამკურნალო პროცედურა.

აუცილებელია აღვნიშნოთ, რომ დღეისათვის, წყალტუბოში ჩამოსულ დამსვენებელთა 80%-ს შეადგენს არა უბრალოდ გაჯანსაღების, არამედ უშუალოდ მკურნალობის მსურველი ადამიანები.
საყოველთაოდ აღიარებულია, რომ ავადმყოფთა თანამედროვე რეაბილიტაციის პირობებში, დიდი როლი ენიჭება არამედიკამენტოზური მკურნალობის მეთოდებს, ხოლო ამ მეთოდებში წამყვანი როლი უკავია ბალნეოლოგიას, კერძოდ კი რადონოთერაპიას.

mkurnali.geცნობილია, რომ მთელ მსოფლიოში, ყოველწლიურად ათიათასობით ადამიანი იღუპება მედიკამენტოზური პრეპარატების გვერდითი ეფექტების გამო, და რადონოთერაპია არის აღნიშნული პრობლემის ღირსეული ალტერნატივა.
იყო დრო, როცა ევროპული ელიტის წარმომადგენლებისთვის, პრესტიჟულად ითვლებოდა "წყლებზე მკურნალობა". დღეისათვის, მთელ მსოფლიოში აშკარაა ბუნებრივი ფაქტორებით მკურნალობისკენ დაბრუნების ტენდენცია.

შესაბამისად, კურორტი წყალტუბო, საუკეთესო ბაზაა, ბუნებრივი სამკურნალო ფაქტორებით მაღალეფექტური მკურნალობისთვის, გათვალისწინებით მინერალური წყლის მაღალი დებიტისა, მუდმივი ტემპერატურისა, ფიზიკო-ქიმიური შემადგენლობისა. აქედან გამომდინარე, რადონოთერაპია ბევრად უფრო იაფია, ვიდრე ტრადიციული კლინიკური მედიცინა.
კურორტზე მუშაობს მაღალკვალიფივიური სამედიცინო პერსონასლთა ჯგუფი , რომეთაც აქვთ ცოდნა და გამოცდილება მიაწოდონ ინფორმაცია ვიზიტორს იმ დაავადებთა შესახებ რომელთა მკურნალობაც ნაჩვენებია ჩვენს კუროტზე" - ამბობს ნანა გვიშიანი.

"მიმდინარე წლის მარტში "ბალნეოკურორტი წყალტუბო" მიწვეული იყო საბერძნეთში გამართულ ევროპული ისტორიული თერმული ქალაქების ასოციაციის ყრილობაზე, სადაც დღეს უკვე ოფიციალური წევრობა მიენიჭა. შეფასების ერთ-ერთი კრიტერიუმი გახლდათ ის, რომ კურორტი უნდა ყოფილიყო მინიმუმ 100 წლის, წყალტუბო კი, როგორც სამკურნალო პუნქტი, უკვე მე-8 - მე-9 საუკუნეებიდან სარგებლობდა პოპულარობით, შესაბამისად, ჩვენ დიდი სიამაყით წარვსდექით ჟიურისა და შემფასებლების წინაშე. დღეს "ბალნეოკურორტი წყალტუბო" აღჭურვილია ევროპული სტანდარტების შესაბამისი უახლესი სამკურნალო ტექნიკით და ითვლის ათობით მაღალი დონის პროფესიონალ ექთანსა და ექიმს. აქ მკურნალობენ: საყრდენ-მამოძრავებელი აპარატის, გულ-სისხლძარღვთა სისტემის, ცენტრალური და პერიფერიული ნერვული სისტემის, გინეკოლოგიურ, უროლოგიურ, კანის და ენდოკრინულ დაავადებებს" - აცხადებს სალომე ბიბილაშვილი.
დამატებითი ინფორმაციისათვის კომპლექსის შესახებ შეგიძლიათ ეწვიოთ ვებ-გვერდს: www.balneoresort.ge; ხოლო სასტუმროს შესახებ - www.prometheus.ge

გააკეთეთ კომენტარი
კომენტარი არ გაკეთებულა
რეკომენდებული პროდუქტები
მხედველობის ხელშეწყობისთვის-60აბი
ფასი: 44.9
კარგი მხედველობის და ნერვული სისტემის ხელშეწყობისთვის-60აბი
ფასი: 28.9
ჯანსაღი თმის შესანარჩუნებლად
ფასი: 75
საშარდე სისტემის ჯანმრთელობისთვის-60 აბი
ფასი: 42.9
მსგავსი სიახლეები
წყალტუბოდან ქუთაისის ინფექციურ საავადმყოფოში დღეს გადაყვანილ ყველა ბავშვს შიგელოზის (დიზენტერია) დიაგნოზი
24-09-2018
დიეტოლოგია
დასავლეთ ავსტრალიის უნივერსიტეტის თანამშრომლები დარწმუნებულები არიან, რომ ფინჯანი ჩაის ან ერთი
ექსპერტებმა დაასახელეს ბადრიჯანის სასარგებლო თვისებები, რის გამოც ის აუცილებლად უნდა ჩართოთ საკვებ რაციონში.
ნიუ-იორკის ბინგემტონის უნივერსიტეტის მეცნიერებმა დაასკვნეს, რომ ადამიანს ახალგაზრდობაში უფრო მეტად ესაჭიროება
კატეგორიის სხვა სტატიები
სასმელი მინერალური წყლებით მკურნალობა ექიმმა უნდა დანიშნოს. აუცილებლად უნდა იყოს გათვალისწინებული კუჭის

mkurnali.geსაქართველოს ტერიტორიაზე 2000-ზე მეტი სამკურნალო წყალია აღმოჩენილი, რომლებსაც საუკუნეების განმავლობაში ადგილობრივი მოსახლეობა სამკურნალოდ იყენებდა. სამკურნალო მინერალური წყლები მრავალ დაავადებას ყველა წამალზე უფრო ეფექტურად კურნავს, თანაც მინერალური წყლების ზემოქმედება რამდენჯერმე იზრდება, როცა მას თან ახლავს მთის ჰაერი, მზის სხივები და ტყის მაცოცხლებელი სიმწვანე.

ალოე ვერა განსაკუთრებული თვისებების მქონე მარადმწვანე მცენარეა. მისი სამშობლო აფრიკაა, თუმცა დღეს ის უამრავ რეგიონშია გავრცელებული.
სადღეისოდ ასეთი კრემების ასორტიმენტი საკმაოდ ფართოა. ხშირად არც კი ვიცით, რომელი ხაზის კრემი უფრო მიესადაგება ჩვენს კანს.
სამწუხაროდ, ბოლო ათწლეულის მანძილზე ალერგიული დაავადებებით, მათ შორის - ბრონქული ასთმით დაავადებულთა
დღევანდელი ცხოვრების რიტმი, მძიმე ეკოლოგიური გარემო, კვების თავისებურებები განაპირობებს სხვადასხვა პათოლოგიის
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად