რა საფრთხეს გვიქადის ტელეეკრანი
ცვლის არხებს და თავის საყვარელ მულტიპლიკაციურ გმირებსაც დაეძებს... თუ საინტერესო კადრებს მოჰკრა თვალი, დიდი ხნით ირინდება ტელეეკრანთან და სხვა გასართობზე მისი გადართვა შეუძლებელი ხდება.
რას ვნებს ტელეეკრანთან დიდხანს ჯდომა
მიუხედავად იმისა, რომ ჯერ კიდევ ტელემაუწყებლობის გარიჟრაჟზე ამტკიცებდნენ, ტელეეკრანთან დიდხანს ჯდომა ბავშვის ჯანმრთელობისთვის საზიანოაო, უნდა ვაღიაროთ, რომ დილიდან გვიან ღამემდე ჩართული ტელევიზორი დღეს მრავალი ოჯახის ყოველდღიური ცხოვრების ფონს ქმნის. და ეს - მიუხედავად ექიმების გაფრთხილებისა, რომ სამ წლამდე ასაკის ბავშვისთვის საერთოდ არ არის რეკომენდებული იმ ოთახში ყოფნა, სადაც ტელევიზორია ჩართული.
როცა ბავშვს სძინავს, უცხო ბგერებსა და სინათლის ციმციმს თავის ტვინის რიტმში დისონანსი შეაქვს, სიფხიზლისას კი მის თვალწინ კადრების მუდმივმა გაელვებამ შესაძლოა ფოტოსენსიტიური (სინათლისადმი მგრძნობიარე) ეპილეფსიის შეტევა გამოიწვიოს.
რა მოხდა იაპონიაში
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
სწორედ ასეთი რამ ანუ ფოტოსენსიტიური (სინათლისადმი მგრძნობიარე) ეპილეფსიის შეტევა მოხდა იაპონიაში 10 წლის წინათ ერთი მულტიპლიკაციური ფილმის ჩვენების შემდეგ. მიზეზად იქცა ელექტრონული ბომბის აფეთქების იმიტაცია, რაც მხატვარმა მულტიპლიკატორებმა ალისფერი პულსაციით გამოსახეს. ფილმის ჩვენებიდან 20 წუთის განმავლობაში გულყრის გამო სამედიცინო დაწესებულებებში 700-მდე ბავშვი მიიყვანეს. 120 მათგანის საავადმყოფოში დაწვენა გახდა საჭირო.
ნევროლოგებმა ეს ერთი შეხედვით უცნაური მოვლენა იმთავითვე ტელეეკრანს დაუკავშირეს და თავიანთი მოსაზრების მართებულობაში დარწმუნდნენ, როდესაც გულყრა იმ ბავშვებსაც განუვითარდათ, ვინც ამ მულტიპლიკაციური ფილმის ვიდეოჩანაწერი ნახა.
ვის ემუქრება გულყრა
კვლევებმა დაადასტურა, რომ წითელი სინათლე, რომელიც წამში 10-30 რხევის სიხშირით პულსირებს, თავის ტვინის ქერქის ნეირონების ელექტრული აქტივობის სინქრონული ხდება და ტვინის რიტმს "იმორჩილებს". საბოლოო ჯამში თავის ტვინში პათოლოგიური აქტივობის კერა ყალიბდება, რაც გულყრის მიზეზია.
ტელეეკრანის მავნე ზემოქმედების საფრთხე განსაკუთრებით იმ ბავშვებს ემუქრებათ, რომელთაც მომატებული აქვთ ნერვული სისტემის აგზნებადობა, მით უფრო - თუ წარსულში გულყრა ჰქონდათ. ასეთ პატარებს ტელევიზორის ყურება საერთოდ ეკრძალებათ.
დადგენილია, რომ ამერიკის შეერთებულ შტატებში, სადაც ელექტრული ქსელის სიხშირე 60 ჰერცია, ტელევიზორის ზემოქმედებით ეპილეფსიის შეტევათა აღმოცენების სიხშირე ევროპასთან შედარებით 2-ჯერ ნაკლებია - აქ დენის სიხშირე 50 ჰერცია და ეკრანზე წუთში 24 კადრი იცვლება. მათი ციმციმი თვალისთვის შეუმჩნეველი რომ დარჩეს, ბავშვის თავის ტვინს ტიტანური შრომა სჭირდება, რაც ნერვული სისტემის რეზერვების გამოფიტვას იწვევს, ზრდის აგზნებადობას, არღვევს ძილს. "თუ გსურთ, ბავშვს მსგავსი პრობლემები არ შეუქმნათ, დროზე მოაცილეთ ტელეეკრანს", - გვირჩევენ სპეციალისტები.
