მარიკა დვალი

შესაძლოა მრავალი წლის მანძილზე გაგრძელდეს და ადამიანი ნიკოტინდამოკიდებულებამდეც კი მიიყვანოს. ლონდონის საუნივე-რსიტეტო კოლეჯის მეცნიერთა მიერ ჩატარებულ კვლევაში მონაწილეობა მიიღო 2000-მა ბრიტანელმა მოსწავლემ. ბავშვებს 5 წლის განმავლობაში აკვირდებოდნენ.

იმ 260 მოზარდიდან, რომელთაც 11 წლის ასაკში ერთხელ მაინც ჰქონდათ მოწეული სიგარეტი, 14 წლის ასაკში მწეველი გახდა 18%, ხოლო იმ ბავშვებიდან, რომელთაც კვლევის დაწყებამდე თამბაქოსთვის გემო ჯერ კიდევ არ გაესინჯათ, 14 წლის ასაკში მხოლოდ 7% ჩამოყალიბდა მწეველად.

• მკვლევართა აზრით, ეს მონაცემები იმაზე მეტყველებს, რომ ნიკოტინის ერთჯერადი მოქმედება ახლო მომავალში ნიკოტინდამოკიდებულების ჩამოყალიბების რისკს აორმაგებს.

ამ ურთიერთდამოკიდებულების მიზეზი ჯერჯერობით უცნობია. მეცნიერები არ გამორიცხავენ, რომ თავის ტვინზე ნიკოტინის პირველი ზემოქმედება იწვევდეს პათოლოგიურ პროცესს, რომელიც, თავის მხრივ, სტრესისა და დეპრესიისადმი მიდრეკილებას აყალიბებს. უმეტესად სწორედ ასეთი მდგომარეობა აჩენს ხელმეორედ მოწევის სურვილს.

გამოკვლევის კოორდინატორის ჯენიფერ ფუდლერის აზრით, ნიკოტინის საწინააღმდეგო კამპანიის მოწყობისას ამ მომენტს განსაკუთრებული ყურადღება უნდა მიექცეს. მასწავლებლებმა, ექიმებმა და სოციალურმა მუშაკებმა უნდა იცოდნენ, რომ ბავშვი, რომელსაც ერთხელ მაინც გაუსინჯავს სიგარეტი, პოტენციური მწეველია.

მწეველთა უფლებების დამცავი ორგანიზაციის წარმომადგენელმა საიმონ კლარკმა მეცნიერთა დასკვნა საეჭვოდ მიიჩნია. "ის, ვინც სიგარეტს 11 წლისა უსინჯავს გემოს, რამდენიმე წელიწადში ისედაც მწეველი გახდება", - განაცხადა მან.