რა უნდა იცოდნენ შობლებმა - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

რა უნდა იცოდნენ შობლებმა

ბავშვი სკოლაში მიდის. ეს მნიშვნელოვანი მოვლენაა მის ცხოვრებაში. მისთვის ყოველი წვრილმანი განსაკუთრებულ მნიშვნელობას იძენს. ბავშვს ეუფლება გაუცნობიერებელი სიხარული იმის გამო, რომ ის უკვე დიდია, უკვე მასაც სჭირდება ჩანთა და სხვა განსაკუთრებული ნივთები, რომლებიც აქამდე არ ჰქონია. სასწავლო წლის დაწყებამდე, როგორც წესი, მშობელი არჩევს სკოლას. ყველა სკოლას თავისი მოთხოვნები აქვს, ამიტომ სასურველია, მშობელმა პედაგოგისაგან მიიღოს საჭირო მითითებები, ჩაიწეროს საჭირო ნივთების სია. ხშირად კერძო სკოლებში, სადაც სწავლების თავისებური მეთოდები აქვთ, საგანგებოდ ითხოვენ, სახელმძღვანელოები თუ სხვა სასწავლო ნივთები ყველა მოსწავლეს ერთნაირი ჰქონდეს. როცა ბავშვს რაიმე ნივთი სხვებისგან განსხვავებული აღმოაჩნდება, ის ამას ძალიან განიცდის. თუ ბავშვი ჩვეულებრივ საჯარო სკოლაში მიდის, ამ შემთხვევაში შეგიძლიათ გაითვალისწინოთ უნივერსალური რჩევები. პატარა მოსწავლისათვის განკუთვნილ სასწავლო ნივთთა სია ასეთია: 12-ფურცლიანი რვეულები, ბურთულიანი კალამი, უბრალო ფანქარი, ფერადი ფანქრები, აკვარელის საღებავები, ფუნჯების ნაკრები, ანბანი, პლასტილინი, სახაზავი, მაკრატელი, ფერადი ქაღალდები, საშლელი, სათლელი, გადასაკრავები რვეულებისა და წიგნებისთვის, ფანქრებისა და კალმის ჩასაწყობი ყუთი. ბავშვის სწორი ფიზიკური და ფსიქიკური განვითარებისთვის დიდი მნიშვნელობა აქვს, თუ როგორ იქნება შერჩეული თითოეული ეს ნივთი.  სასკოლო ჩანთა. უმცროსი სასკოლო ასაკის ბავშვებისთვის უმჯობესია ზურგჩანთა. ის უფრო მოხერხებულია, ვიდრე ხელჩანთა ან ცალ მხარზე გადასაკიდი ჩანთა. ასეთი ჩანთების ტარებისას სიმძიმე სხეულის ცალ მხარეს გადადის, რაც ძვლების დეფორმაციას იწვევს (განსაკუთრებით - მხრისა და წინა მხრის ძვლებისას), ზიანს აყენებს ხერხემალს, სხეული მალე იღლება და პატარა მოსწავლის თვითშეგრძნება უარესდება. ზურგჩანთის კონსტრუქცია კი საშუალებას იძლევა, დაწოლა თანაბრად განაწილდეს ზურგსა და მხრებზე. კარგია, როცა ზურგჩანთას აქვს ორთოპედიული ზურგი, რომელიც იმეორებს ხერხემლის ხაზს. სასურველია, ჩადგმული ჰქონდეს ბადისებრი ქსოვილის ჩანართი (რათა ზურგი არ გაოფლიანდეს), ასევე - სინათლის ამრეკლავი ელემენტები (უსაფრთხოებისთვის), ფართო (5-6სმ) ღვედები. ზურგჩანთის წონა (მითითებული უნდა იყოს ეტიკეტზე) არ უნდა აღემატებოდეს 1,2 კილოგრამს. უმცროსკლასელთათვის მაქსიმალური დასაშვები წონა სახელმძღვანელოებთან ერთად 1,5კგ-ია. ასევე, სასურველია ჩანთას ჰქონდეს რეზინის ან პლასტიკატის სახელური (რომელიც საიმედოა და რომლის გარეცხვაც შესაძლებელია), მაგარი და მოხერხებული შესაკრავები, რომელთა გამოყენებაც ბავშვს სირთულეებს არ შეუქმნის.  არ დაივიწყოთ რვეულები. რვეულების შერჩევისას გაითვალისწინეთ, რომ ნახატებიანი ფურცლები თუ გარეკანი ბავშვს ყურადღებას უფანტავს, ის ვეღარ ახდენს კონცენტრაციას კონკრეტულ დავალებაზე, რომლის შესრულებასაც მისგან მოითხოვენ. უმჯობესია უყიდოთ უბრალო, სადა რვეულები. რაც შეეხება რვეულის ფურცლების გაფორმებას, მეტისმეტად მკვეთრი საღებავით შესრულებული ან, პირიქით, მეტისმეტად მქრქალი ხაზები ხელს უშლის მხედველობითი აღქმის პროცესს. მნიშვნელოვანია კალამიც. უმჯობესია შეიძინოთ კალამი ქვედა მხარეს რეზინის ჩანართით, რათა ბავშვს შუა თითის ძვალი არ დაუზიანდეს. როგორ დავეხმაროთ ბავშვს სასკოლო დატვირთვის დროს? სკოლებში სწავლის დაწყების მაუწყებელი ზარი უკვე დაირეკა. ბავშვები სწავლას შეუდგნენ, პირველკლასელები ამაყობენ საკუთარი თავით, პირველმა მღელვარებამ უკვე გაიარა. მათ ცხოვრებაში ახალი ეტაპი დაიწყო, ახალი შთაბეჭდილებებითა და აღმოჩენებით სავსე. სკოლების დერეფნებში მოსწავლეთა ჟრიამული ისმის. მაგრამ განა ყველა ბავშვი ასეთი ენთუზიაზმით მიიჩქარის სკოლისაკენ? ზოგს არ უყვარს სკოლაში სიარული. ამას სხვადასხვა მიზეზი აქვს: დიდი დატვირთვა, პრობლემები სწავლაში, მასწავლებლის ან საკონტროლოს შიში. ამას ემატება სხვადასხვა სტუდიაში, სექციასა თუ წრეზე სიარული, რომლებიც, ერთი მხრივ, ხელს უწყობს ბავშვის მრავალმხრივ განვითარებას, მას უფრო ორგანიზებულს ხდის, მეორე მხრივ - უმატებს ვალდებულებებს და აძლიერებს სტრესს. ჩვენი, მშობლების ამოცანაა, დავეხმაროთ ბავშვებს სასკოლო პრობლემებისა და სტრესული სიტუაციების დაძლევაში. სწორად შერჩეული დღის რეჟიმი საშუალებას იძლევა, დრო თანაბრად განაწილდეს მეცადინეობასა და დასვენებისთვის. მასალის გადაცემა თამაშის ფორმით და დამატებითი მეცადინეობა აადვილებს მასალის ათვისებას. მშობლების მაგალითი უჩვენებს ბავშვს ყოველდღიური შრომის მნიშვნელობას, ამყარებს მოტივაციას და ცოდნისკენ სწრაფვას. მაგრამ დედისა და მამის ყოველგვარი ძალისხმევა უშედეგოა, თუ ბავშვის ფიზიკური მდგომარეობა არ არის სათანადო დონეზე, ორგანიზმს აკლია ვიტამინები და მინერალური ნივთიერებები. ყურადღებით დააკვირდით ბავშვს. თუ ის სწრაფად და ადვილად იღლება, უჩივის მხედველობას, უჭირს კონცენტრირება და ძნელად აღიქვამს ახალ ინფორმაციას - ეს იმის სიგნალია, რომ ორგანიზმში არისMომეგა-3 უჯერი ცხიმოვანი მჟავების დეფიციტი. ეს ცხიმოვანი მჟავები გადამწყვეტ როლს ასრულებს ბავშვის ტვინის მუშაობაში. სამეცნიერო გამოკვლევების თანახმად, ეს ცხიმოვანი მჟავები შეადგენს თვალის ბადურას 30-60%-ს, თავის ტვინის ქერქის 15-20%-ს, შეუცვლელია მხედველობითი აპარატის ფუნქციობისა და ბავშვის ნერვული სისტემის ნორმალური განვითარებისთვის. ეს არის ენერგიის წყარო და საშენი მასალა ტვინის, გულის, სისხლძარღვების უჯრედებისთვის. ამ მჟავებს ადამიანის ორგანიზმი არ გამოიმუშავებს, ისინი აუცილებლად გარედან, საკვებთან ერთად უნდა მივიღოთ. მას დიდი რაოდენობით შეიცავს ზღვის პროდუქტები: ზოოპლანქტონი, ზღვის მოლუსკები, თევზის ზოგიერთი სახეობა (ორაგული, სარდინი და სხვა). კარგი იქნება, თუ პატარა მოსწავლის რაციონში თევზსა და ზღვის სხვა პროდუქტებს შეიტანთ.