მივირთვათ თევზი - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

მივირთვათ თევზი

ასევე საკმაო რაოდენობით შეიცავს მინერალურ ნივთიერებებს - სპილენძს, მაგნიუმს, ფოსფორს, თუთიას, თევზის ცხიმში კი ბევრია ომეგა-3 ჯგუფის უჯერი ცხიმები, რომლებიც ხელოვნურ კვებაზე მყოფ ბავშვს ყოველთვის აკლია. ეს ცხიმები აუცილებელია ბიოლოგიურად აქტიური ნივთიერებების წარმოქმნისთვის, რომლებიც ნივთიერებათა ცვლის პროცესებში მონაწილეობს. ზღვის თევზს შეუძლია, ბავშვის რაციონი შეავსოს იოდით, რომელიც ესოდენ საჭიროა ფარისებრი ჯირკვლის განვითარებისა და ფუნქციობისთვის. თევზის დიდი ღირსებაა მისი ნაზი სტრუქტურა. ეს პროდუქტი არ შეიცავს შემაერთებელი ქსოვილის უხეშ ბოჭკოებს, რომელიც ხორცისთვის არის დამახასიათებელი, ამიტომ ბავშვის ჯერ კიდევ ჩამოუყალიბებელი კუჭ-ნაწლავის ტრაქტი მას უფრო ადვილად ინელებს, უფრო სწრაფად და სრულფასოვნად ითვისებს მის ცილებს. მიუხედავად ამისა, ბავშვის რაციონში თევზის შეტანას ექიმები არ ჩქარობენ. იგი რეკომენდებულია 8-9 თვის ასაკიდან. ეს იმით აიხსნება, რომ თევზი ალერგიული პროდუქტია. სავსებით ჯანმრთელი ბავშვებისთვისაც კი, რომლებიც არ არიან მიდრეკილნი ალერგიული რეაქციებისკენ, თევზის მიცემა ნებადართულია კვირაში ორჯერ, ისიც - მცირე ულუფებით, წლამდე ასაკის პატარებისთვის - 30-60 გრამისა, შედარებით მოზრდილებისთვის - 85-90 გრამისა, წვნიანის, პიურეს, ორთქლზე მომზადებული კატლეტის სახით. ალერგიული გამოვლინებების მქონე პატარებს თევზს ვაძლევთ ძალიან ფრთხილად, მცირე ულუფებით, თავდაპირველად - დაახლოებით 1-2 ჩაის კოვზს, მერე კი, რეაქციის შესაბამისად, ულუფას თანდათან ვზრდით. თევზი წინასწარ გულდასმით დაამუშავეთ: ფხები და ძვლები გამოაცალეთ, მერე კი კარგად გარეცხეთ გამდინარე ცივი წყლით. წლამდე ასაკის ბავშვს მიეცით თეთრი, მჭლე თევზი, უფრო ცხიმიანი ჯიშის მენიუში შეტანა ერთი წლის შემდეგ შეიძლება. ძალიან სასარგებლოა თევზის წვნიანი. მისი მომზადება შეიძლება მარტივი რეცეპტით: ქვაბში ჩაასხით იმდენი წყალი, რომ თევზი დაახლოებით 4-5 სმ-ით დაიფაროს. შემდეგ თევზი ამოიღეთ და წყალი აადუღეთ, ადუღებულ წყალში ჩაყარეთ მარილი, დაფნის ფოთოლი, მრგვლად დაჭრილი 1 ცალი სტაფილო, ხახვი და ოხრახუში, ამის შემდეგ ჩაუშვით თევზი, ალს დაუწიეთ და ხარშეთ. ეს იმისთვის, რომ ხარშვისას თევზი არ ჩაიშალოს. თევზი მანამდე უნდა ხარშოთ, ვიდრე ჩანგლით გაჩხვლეტისას გამჭვირვალე სითხე აღარ გამოუვა. მოხარშული თევზი მაშინვე ამოიღეთ თეფშზე გასაცივებლად.

საბავშვო თევზის კონსერვები

აფთიაქებსა და მაღაზიებში, ბავშვთა საკვების განყოფილებაში, იყიდება მინის ქილებში სპეციალურად დაკონსერვებული მზა თევზი. თევზის საბავშვო კონსერვებს ამატებენ ბოსტნეულსა და ბურღულს, რაც პროდუქტის კვებით ღირებულებას ზრდის. ბავშვებისთვის კონსერვს სხვადასხვა ჯიშის თევზისგან ამზადებენ. ესენია: ოკეანის ვირთევზა, ორაგული, ზუთხი, მდინარის ფარგა, კარპი. ბოსტნეულიდან იყენებენ სტაფილოს, კომბოსტოს, კარტოფილს, ყაბაყს, გოგრას, მწვანე ბარდას, ლობიოს, ხახვს, ბურღულეულიდან - ბრინჯს, წიწიბურას, მანანას, სიმინდს. კონსერვი, გარდა თევზის ცხიმისა, შეიცავს მცენარეულ (მზესუმზირას, სიმინდის, ზეითუნის, სოიის) ზეთს. გემოვნებისთვის დამატებული აქვს კამა, ოხრახუში, პომიდვრის ტომატი. კონსერვის შეძენისას უნდა გაითვალისწინოთ პატარას ასაკი. 8-9 თვის ბავშვისთვის მსხვილად დაქუცმაცებული ჯობს, ხოლო 12-18 თვიდან დაჭრილის მიცემაც შეიძლება. კონსერვის შიგთავსი უნდა გავათბოთ თუ თეფშზე გადმოღებისთანავე მივცეთ? რა თქმა უნდა, უმჯობესია გავათბოთ, მაგრამ არა ცეცხლზე, არამედ თბილი წყლის აბაზანაში: ქილა თბილ წყალში ჩავდგათ და შიგთავსს ვურიოთ, რომ თანაბრად შეთბეს. თუ ბავშვი ულუფას ვერ მოერია, ნარჩენი გადაყარეთ ან თავად მიირთვით - მისი მაცივარში შენახვა და ბავშვისთვის მეორედ მიცემა არ შეიძლება. საბავშვო კონსერვი მოხერხებულია მგზავრობის დროს, ექსტრემალურ სიტუაციებში. საზოგადოდ კი ბავშვისთვის გაცილებით სასარგებლოა უშუალოდ კვების წინ მომზადებული კერძები. არჩევანი თავად გააკეთეთ.