მეცნიერებმა დიაბეტი და სიმსუქნე ყინვაგამძლე გენით დააკავშირეს
მეცნიერებმა სხვადასხვა კლიმატური ზონის მკვიდრთა ენერგეტიკული ცვლის მარეგულირებელ გენებს შორის განსხვავება გამოავლინეს. გაირკვა, რომ ზოგიერთი ასეთი გენი უპირატესად ცივი კლიმატის ქვეყნებში გვხვდება, ხოლო ტროპიკული და სუბტროპიკული ქვეყნების მცხოვრებთა შორის პრაქტიკუ-ლად არ შეინიშნება. კერძოდ, ჩრდილოეთის ქვეყნების მკვიდრნი გაცილებით მეტად არიან განწყობილნი სისხლში შაქრის დონის მატებისადმი. გარდა ამისა, მრავალ მათგანს აქვს გენი FABP2, რომელიც ცხიმო-ვანი ფენის ფორმირებაზე აგებს პასუხს. ეს თავისებურებები ორგანიზმს ენერგიითა და სითბოთი უზრუნველყოფს, მაგრამ შაქრიანი დიაბეტის, ათეროსკლეროზისა და სიმსუქნის ალბათობასაც ზრდის.
ერთ-ერთი მკვლევარის თქმით, ჩვენი შორეული წინაპრები თბილი და ნოტიო კლიმატის პირობებში ცხოვრობდნენ, სადაც მთავარ ამოცანას ორგანიზმიდან ჭარბი სითბოს გამოყოფა წარმოადგენდა. როდე-საც ადამიანების ნაწილი აფრიკიდან უფრო ცივ სარტყლებში გადასახლდა, გაჩნდა ენერგიის მომატებისა და მისი რაც შეიძლება მეტხანს შენარჩუნების აუცილებლობა. ცივილიზაციის განვითარებამ ზემოხსე-ნებული გენების როლი დააკნინა: ცენტრალური გათბობისა და ჭარბი საკვების პირობებში მათი დამცვე-ლობითი ფუნქცია ნულამდე დავიდა და ისინი ქრონიკული დაავადების მთელი წყების მიზეზად იქცა.