თათია მარტიაშვილი

ძილის აპნოე

ობსტუქციული ძილის აპნოე, რომელიც ხმამაღლა ხვრინვას იწვევს, არ არის გულის დაავადების სიმპტომი. თუმცა, კარდიოლოგების შეფასებით, ეს არის მდგომარეობა, რომელსაც შეუძლია ძილის დროს სუნთქვის გაძნელებით გული დააზიანოს.

ამ დროს სისხლში ჟანგბადის შემცველობა ეცემა, რაც ორგანიზმისთვის სტრესის გამომწვევია. თუ არ ვუმკურნალებთ ძილის აპნოეს, ეს გულ-სისხლძარღვთა პრობლემებს გამოიწვევს, მათ შორის: მაღალ არტერიულ წნევას, არითმიას, გულის უკმარისობას და ინფარქტსაც კი.

თავბრუსხვევა

თავბრუსხვევა შესალებელია იყოს ნიშანი იმის, რომ თავის ტვინს სისხლი საკმარისად არ მიეწოდება.

აღნიშნული სიმპტომი ხშირად იჩენს თავს იმ ქალბატონებთან, რომლებსაც გულის პრობლემები აწუხებთ.

თავბრუსხვევა შესაძლოა მიუთითებდეს არითმიაზე, გულის დაზიანებაზე, ან გულის სარქვლის პრობლემაზე, როგორიცაა აორტის სტენოზი.

ოფლიანობა

თუ უეცრად დაგეწყოთ ოფლიანობახ, რასაც „ცივ ოფლს “ უწოდებენ ხოლმე, ეს შესაძლებელია გულის შეტევის ნიშანიც იყოც.

ჩვეულებრივზე უფრო ხშირი ოფლიანობა სტრესის მანიშნებელია, ხოლო თუ აღნიშნული სიმპტომი დაკავშირებულია გულმკერდის, მკლავის, კისრის, ან ყბის დისკომფორტთან, ან ქოშინთან, მას სერიოზულად უნდა მივუდგეთ, ვინაიდან ეს კორონარული არტერიის დაავადების ნიშანია.

დაღლილობა

უკიდურესი, აუხსნელი დაღლილობა და უძალობა, რომელიც კიბეზე ასვლასა და ტვირთის აწევაში გიშლით ხელს, შესაძლებელია გულის შეტევის, ან გულის დაავადების გამაფრთხილებელი ნიშანი იყოს, განსაკუთრებით ქალბატონებში.

ჟურნალ „ Circulation”-ში გამოქვეყნებული კვლევა აჩვენებს, რომ ქალების 70%-ზე მეტი განიცდის უჩვეულო დაღლილობას ინფარქტამდე ერთი თვით ადრე.

ხშირად აღნიშნულ სიმპტომს სერიოზულად არ უყურებენ, მისი სათანადო დიაგნოსტირებაც არ ხდება, ექიმი ათავისუფლებს პაციენტს.

თუმცა აუცილებელია თავბრუსხვევა გამოირიცხოს, როგორც გულის სერიოზული დაავადების მანიშნებელი სიმპტომი.

ერექციული დისფუნქცია

გულის დაავადება და ერექციული დისფუნქცია სისხლის ცუდი მიმოქცევით არის გამოწვეული.

ერექციული დისფუნქცია შესალებელია ამჟამინდელი, ან მომავალი გულის დაავადების სიმპტომი იყოს.

კორონარული არტერიის დაავადების, ან გულის სხვა დაავადების დროს პაციენტს ხშირად დიაბეტი, ან მაღალი არტერიული წნევა აწუხებს, რაც ასევე იწვევს ერექციულ დისფუნქციას.

კბილის დაკარგვა

კბილის დაკარგვა პირის ღრუს არასაკმარისი ჰიგიენის შედეგია, თუმცა ის გულის დაავადებაზეც შეიძლება მიუთითებდეს.

2018 წელს ამერიკული გულის ასოციაციის შეხვედრაზე წარდგენილმა კვლევამ აჩვენა, რომ საშუალო ასაკის მოზარდებს( 45-დან 69 წლამდე), რომლებსაც კბილის დაკარგვის პრობლემა აღენიშნებათ, გულის კორონალური დაავადების მაღალი რისკი აქვთ.

კვლევის მონაწილეებმა, რომლებმაც რვაწლიანი დაკვირვებისას ორი, ან მეტი კბილი დაკარგეს, გულის დაავადებების განვითარების რისკი 16%-ით მეტი აქვთ, ვიდრე მათ ვინც ჯანსაღი კბილები შეინარჩუნეს.

ბოლომდე არ არის შესწავლილი კბილის დაკარგვასა და ჯანმრთელ გულს შორის კავშირი, თუმცა ანთებითი პროცესი ზეგავლენას ახდენს ორივეზე.

გულის უკმარისობის მანიშნებელია: ფეხის შეშუპება, მსუბუქი ხველა და ქოშინი წოლისას

მაღალი არტერიული წნევა: არადიაგნოზირებული აპნოე და დილით თავის ტკივილები

გულის დაავადება: დეპრესია და შფოთვა

ჯანსაღი კვება, საკმარისი ფიზიკური აქტიობა, სტრესის შემცირება და ძილის ხარისხის გაუმჯობესება ჯანმრთელი გულის გარანტია.