მუცლის ზომა და ჭკუასუსტობის რისკი
კალიფორნიაში არსებული Kaiser Permanente-ის კვლევითი ცენტრის თანამშრომლები 36 წლის განმა-ვლობაში აკვირდებოდნენ 6583 მოხალისეს, რომელთაც 40-45 წლის ასაკში მუცელზე არსებული ცხიმო-ვანი შრის სისქე გაუზომეს. დაკვირვების მიწურულს კვლევის მონაწილეთა 16%-ს ალცჰაიმერის დაავადე-ბა ან ჭკუასუსტობის სხვა ფორმა აღმოაჩნდა. მონაცემთა ანალიზმა აჩვენა, რომ ნორმალური წონის ადა-მიანებს, რომლებსაც ცხიმი მუცელზე აქვთ დაგროვილი, ჭკუასუსტობის განვითარების ალბათობა 90%-ით ეზრდებათ, ხოლო ჭარბი წონისა და დიდი მუცლის თანხვედრის შემთხვევაში რისკი 3-ჯერ მეტია. მუცლის ზომებსა და ჭკუასუსტობას შორის არსებული კავშირის მიზეზი უცნობია. მეცნიერთა აზრით, შესაძლოა, დიდ როლს ასრულებდეს მომატებული არტერიული წნევა, შაქრიანი დიაბეტი და ქოლესტე-რინის მაღალი დონე, რაც ხშირად უვლინდებათ ადამიანებს, რომელთაც მუცელზე ჭარბი ცხიმოვანი ნადები აქვთ.