მეცნიერებმა ცხოვრების არაჯანსაღ წესსა და დემენციის რისკს შორის კავშირი აღმოაჩინეს
ეს ეწინააღმდეგება პოპულარულ აზრს, რომ სისხლში ქოლესტერინის მაღალი დონის გამო სტატინების ხანგრძლივად მიღებამ შეიძლება იმოქმედოს ფსიქიკურ ჯანმრთელობაზე.
კვლევამ, რომელშიც 1,8 მილიონმა ადამიანმა მიიღო მონაწილეობა, აჩვენა, რომ ქოლესტერინის მომატებული დონე უკავშირდება დემენციის მაღალ რისკს. თუმცა ეს არ ეხებოდა მემკვიდრულად მაღალი ქოლესტერინის დონის მქონე ადამიანებს, რომლებიც ჯანსაღად იკვებებოდნენ.
მეცნიერებმა ახალი კვლევით აჩვენეს, რომ არც ქოლესტერინი და არც ქოლესტერინის დონის დასაწევად სტატინების მიღება არ უკავშირდება დემენციის განვითარებას. ამ სიტუაციაში მნიშვნელოვან როლს ასრულებს ცხოვრების არაჯანსაღი წესი, რომელიც ხელს უწყობს ქოლესტერინის დონის მომატებას.
მემკვიდრული ფაქტორით განპირობებული ქოლესტერინის მაღალი დონის მქონე 3500 ადამიანის ჯანმრთელობაზე 10-წლიანი დაკვირვების მონაცემებმა აჩვენა, რომ მათ არ აღენიშნებოდათ დემენციის მაღალი რისკი, მიუხედავად იმისა, იღებდნენ თუ არა სტატინებს.
ქოლესტერინის მაღალ დონეს ხშირად უწოდებენ „ჩუმ მკვლელს“, რადგანაც ის არ ვლინდება რაიმე სიმპტომით, ხოლო სტატინების მიღება არ იწვევს თვითშეგრძნებების გაუმჯობესებას.
წამლებზე (სტატინებზე) უარი იწვევს იმას, რომ ორგანიზმში აქტიურდება მავნე პროცესები, რის გამოც არტერიებში წარმოიქმნება ქოლესტერინის ფოლაქები და საბოლოოდ, შეიძლება განვითარდეს ინფარქტი ან ინსულტი.