დღის ძილი აძლიერებს ემოციური ტრავმისა და შფოთვის მოგონებებს
დღის განმავლობაში ძილი აძლიერებს შემაშფოთებელ და შემზარავ მოვლენებს მეხსიერებაში. კვლევის შედეგად მიღებული მონაცემები სასარგებლო იქნება კატასტროფის, ომის ან ძალადობის შედეგად ემოციურად დაზიანებული პაციენტების რეაბილიტაციის მეთოდების შესამუშავებლად, მათთან მუშაობისთვის, ვინც განიცდის პანიკის შეტევებს ან პოსტტრავმულ აშლილობას.
მეხსიერების ტრანსფორმაცია მოკლევადიანიდან გრძელვადიანზე ძირითადად ხდება ძილის დროს. ძილის სარგებელი დიდი ხანია ცნობილია, მაგრამ ჯერჯერობით არავის გაუკეთებია ანალიზი, აძლიერებს თუ არა ის ფსიქოლოგიურად რთული მოვლენების დამახსოვრების ეფექტს.
თუ აღმოვაჩინეთ, რომ შიშის მეხსიერებაზე ძილის ეფექტი მსგავსია სხვა ტიპის მეხსიერების, მაგალითად, ეპიზოდური (ცხოვრების მოვლენებთან დაკავშირებით), მაშინ უფრო სასარგებლო იქნება, რომ დაზარალებულს არ ეძინოთ ტრავმის შემდეგ -აცხადებენ მკვლევარები.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
ასე რომ, ექსპერიმენტებმა აჩვენა, რომ მოკლე დღის ძილი აძლიერებს შფოთვის მოგონებებს, რაც ადამიანებმა ადრე განიცადეს. თუმცა, მსგავსი ეფექტი დაფიქსირდა მშვიდი სიფხიზლის პერიოდის - ემოციურად ნეიტრალური ფილმის ან კომპიუტერული თამაშის ყურება- დროს.
შიშის რეაქცია შეისწავლეს 18 ჯანმრთელ ახალგაზრდაში ელექტროენცეფალოგრაფიით ძილის წინ და მის შემდეგ ან სიფხიზლის თანაბარ პერიოდში.
შემდეგი ეტაპი არის კვლევა კლინიკის ბაზაზე, სადაც მკურნალობენ ვეგეტატიურ მდგომარეობაში მყოფ პაციენტებს. მეცნიერები შეეცდებიან დაადგინონ, როგორ იმოქმედებს ძილი ასეთი ადამიანების შფოთვის დონესა და შიშის მოგონებების ჩამოყალიბებაზე.
სხვათა შორის, ადამიანის ძილის ციკლი ჩვეულებრივ დაახლოებით საათნახევარია. ღამით ადამიანებს სძინავთ 4-დან 6 ციკლამდე, მაგრამ დღის განმავლობაში ეს იშვიათად არის ერთზე მეტი სრული ციკლი.
