როგორ უნდა მოიქცეთ, რომ გაციებამ ორგანიზმი არ დაასუსტოს
სწორი კლასიფიკაციაა: გრიპი და გაციება, რომელსაც მეტ-ნაკლებად მსგავსი სიმპტომატიკა ახასიათებს.
დღეისათვის ცნობილია 200-მდე სახის ვირუსი, რომლებიც გაციების სიმპტომებს იწვევენ. ყველაზე ხშირად გაციებას რინოვირუსი იწვევს, თუმცა შემთხვევათა 30-50%-ში დაავადების გამომწვევის დადგენა ვერ ხერხდება.
გაციების სიმპტომები დაავადებიდან მე-2 ან მე-3 დღეს ვლინდება და რამდენიმე დღის განმავლობაში გრძელდება. დაავადება გარკვეული პერიოდი რჩება ორგანიზმში და მედიკამენტებით გამოჯანმრთელების პროცესის დაჩქარება არ ხდება. თუმცა ამ დროს მაინც მნიშვნელოვანია მიიღოთ პრეპარატები, რომლებიც სიმპტომებს შეგიმსუბუქებთ და თავს კარგად გაგრძნობინებთ. მთავარი საზრუნავი ვირუსის ორგანიზმიდან სწრაფად გამოდევნა კი არ უნდა იყოს, არამედ სიმპტომების შემსუბუქება და იმუნური სისტემის მოძლიერება.
დეტალურად განვიხილოთ, როგორ უნდა მოიქცეთ გაციების დროს:
- მიიღეთ ბევრი სითხე
გარდა ლიმონიანი და ჟოლოს მურაბიანი ჩაისა, ძალიან ეფექტურია ქათმის ბულიონი. თუმცა არ დაგავიწყდეთ სუფთა წყალი. სითხის მიღება ორგანიზმიდან ვირუსების გამოდევნას უწყობს ხელს და ამავდროულად, ცხვირისა და ყელის ლორწოვანსაც იცავს გამოშრობისგან, ასევე ლორწოს მოშორებას აადვილებს. გაითვალისწინეთ, კოფეინი და ალკოჰოლი დეჰიდრატაციას იწვევს, ამიტომაც ყავას, კოკა-კოლას, მაგარ ჩაის და ალკოჰოლურ სასმელებს ერიდეთ.
- იკვებეთ ჯანსაღად
ეფექტურია C ვიტამინის შემცველი საკვები. ძალიან კარგია თუთიის შემცველი საკვებიც, მაგალითად, ხორცი, ისპანახი, მაწონი, კაკაო, გოგრის თესლი და სხვა.
- მიიღეთ შესაფერისი პრეპარატები
რაც შეეხება პრეპარატებს, სურდოსა და მაღალი სიცხის დროს აუცილებლად გამოიყენეთ გრიპის და გაციების სამკურნალო საშუალება ჩაის სახით. ეს შეიძლება იყოს „ნორმო ფლუ“ ლიმონის არომატით, რომელიც ეფექტურია გრიპის, გაციების, ციებ-ცხელების დროს. იგი შეგიმსუბუქებთ სიცხით მიმდინარე გრიპის სიმპტომებს, როგორიცაა: თავის ტკივილი, ყელის ტკივილი, ცხვირის გაჭედვა, სინუსიტი. აღნიშნული სიმპტომების გამოჩენისთანავე მიიღეთ „ნორმო-ფლუ“, რადგან, რაც უფრო დიდი ხანი გაგრძელდება ჩივილი, მით უფრო სუსტად იგრძნობთ თავს. ვირუსი ორგანიზმიდან გავა, თქვენ კი სისუსტე დაგრჩებათ. აღნიშნულ მედიკამენტს ექიმის დანიშვნა არ სჭირდება და მისი შეძენა თავადაც შეგიძლიათ დანიშნულების გარეშე, ნებისმიერ აფთიაქში. მისი უპირატესობა ეფექტურობასთან ერთად სასიამოვნო არომატია. „ნორმო ფლუ“ მალევე დაგიბრუნებთ ხალისს ჩვეული ცხოვრებისთვის.
დამატებითი პრეპარატების მიღება ჩვენების შესაბამისად არის რეკომენდებული. მაგალითად, სიცხე თავდაცვითი რეაქციაა, რომელიც ვირუსების განადგურებას უწყობს ხელს, ამიტომ სიცხის დამწევს 38.5°C-ს ტემპერატურამდე ნუ მიიღებთ. ბავშვებს კი 38° C ტემპერატურაზე დაალევინეთ დამწევი. მანამდე ნუ დალევთ, ვიდრე ტემპერატურა 38.5°C-ს (მცირეწლოვან ბავშვებში – 38° C-ს) არ გადააჭარბებს.
- ნუ დაივიწყებთ მცენარეულ ნაყენს
ყელის ტკივილთან ბრძოლა სახლში მომზადებული სავლებითაც შეიძლება. მაგალითად, თბილი მარილიანი ან სოდიანი წყლით, გვირილისა და სხვა სამკურნალო მცენარეების ნაყენებით.
- ხველა რეფლექსია, რომელსაც თავისი დატვირთვა აქვს. ამიტომ პირველივე წამოხველებაზე ნუ ეცდებით მის დათრგუნვას. თუმცა თუ ის შემაწუხებელი ხდება, მშრალი ხველის დროს ხველის დამთრგუნველი საშუალება მიიღეთ, გაციების დროს კი - ამოსახველებელი.
- რაც შეეხება ანტიბიოტიკს, ის გაციების დროს სრულიად არაეფექტურია. ანტიბიოტიკები ბაქტერიებს სპობს და არა ვირუსებს, ამიტომაც ვერ შველის გაციებას და ვერც მის სიმპტომებს ასუსტებს.