ასთმის სიმპტომები და "საგანგებო მდგომარეობის" ნიშნები
ამ დროს სასუნთქი გზები ვიწროვდება. ამან შეიძლება გაართულოს სუნთქვა და გამოიწვიოს ხველა, ქოშინი.
ზოგიერთი ადამიანისთვის ასთმა უმნიშვნელო დაავადებაა. სხვებისთვის კი ეს შეიძლება დიდი პრობლემა იყოს, რომელიც ხელს უშლის ყოველდღიურ საქმიანობას, ზოგჯერ კი შეიძლება გამოიწვიოს სიცოცხლისთვის საშიში შეტევები.
მართალია, ასთმის განკურნება შეუძლებელია, მაგრამ მისი შეტევების კონტროლი შესაძლებელია. იმის გამო, რომ ასთმის შეტევის სიხშირე ხშირად იცვლება, მნიშვნელოვანია, რომ ითანამშრომლოთ ექიმთან, რათა თვალყური ადევნოთ დაავადების სიმპტომებს და დაარეგულიროთ მკურნალობა
სიმპტომები
ასთმის სიმპტომები განსხვავებულია.
ეს შეიძლეა იყოს:
- გულმკერდის შებოჭილობა ან ტკივილი
- ხიხინი ამოსუნთქვისას, რაც ბავშვებში ასთმის საერთო ნიშანია
- უძილობა გამოწვეული ქოშინით, ხველებით ან ხიხინით
- შეტევები, რომლებიც გაუარესებულია რესპირატორული ვირუსით, როგორიცაა გაციება ან გრიპი
როდის მივმართოთ ექიმს
ასთმის საგანგებო მდგომარეობის ნიშნებია:
- ქოშინი ან ხიხინი ხშირდება
- მდგომარეობა არ უმჯობესდება ინჰალატორის გამოყენების შემდეგაც
- სუნთქვა ძნელდება მინიმალური ფიზიკური აქტივობისასაც კი
ასთმის ადრეულმა მკურნალობამ შეიძლება თავიდან აგაცილოთ ფილტვების დაზიანება და დროთა განმავლობაში არ გაუარესდეს მდგომარეობა. თუ იცით, რომ გაქვთ ასთმა, ხშირად ეწვიეთ ექიმს, რათა გააკონტროლოთ იგი. გრძელვადიანი კონტროლი გეხმარებათ იმაში, თუ როგორ იგრძნოთ დღითიდღე თავი უკეთესად და თავიდან აიცილოთ სიცოცხლისთვის საშიში ასთმის შეტევები. დაუყონებლივ მიმართეთ ექიმს, თუ წამალი ან ინჰალატორი არ ამსუბუქებს თქვენს შეტევას.
ნუ მიიღებთ მითითებულზე მეტ მედიკამენტს ექიმთან წინასწარი კონსულტაციის გარეშე. ასთმის მედიკამენტების გადაჭარბებულმა გამოყენებამ შეიძლება გამოიწვიოს გვერდითი მოვლენები და შეიძლება გააუარესოს დაავადება.
ავტორი ია რომანაძე