ქალმა COVID-19-ის ტესტის 15 სმ-იანი ზონდი გადაყლაპა
შემთხვევით გადაყლაპა კორონავირუსის ტესტირებისათვის განკუთვნილი ზონდი.
31 წლის მარტოხელა დედა, ბობი ლიმ ღამის ცვლის შემდეგ, თავი შეუძლოდ იგრძნო და გადაწყვიტა სახლში COVID-19-ის ტესტის გაკეთება. მაგრამ ზონდი ყელში გაეჩხირა. ის ცდილობდა 15 სმ-იანი საგნის ამოღებას, მაგრამ წარუმატებლად. მაშინ გადაწყვიტა მისი გადაყლაპვა. მიუხედავად ამისა ზონდის ბოლო ყელში ჩანდა. ქალს ნორმალურად სუნთქვა გაუჭირდა. ამ დროს ის ბავშვთან ერთად სახლში მარტო იმყოფებოდა. ქალს არც უფიქრია სასწრაფო დახმარების სამსახურში დარეკვა, თავად გაემართა საავადმყოფოში.
ექიმების განცხადებით ეს პირველი შემთხვევა იყო მათ პრაქტიკაში. პაციენტს, ენდოსკოპის საშუალებით, გადაუდებელი ოპერაცია ჩაუტარდა უცხო სხეულის ამოღების მიზნით. ამჟამად ბობი ლი რეაბილიტაციას გადის.