ლალი ჩხიკვაძე

და ამინომჟავა ფენილალანინი. ის თრგუნავს მადას და მოქმედებს ცხიმოვან ქსოვილზე ფიზიკური დატვირთვის მსგავსად.

მკვლევარები სწავლობდნენ როგორ წვავს ორგანიზმი კალორიებს რეგულარული ფიზიკური დატვირთვის დროს. კერძოდ, მათ აინტერესებდათ ის გენები, ცილები და სასიგნალო მოლეკულები, რომლებიც ორგანიზმს კუნთებისთვის საწვავად არა შაქრის, არამედ ცხიმების გამოყენებას აიძულებს.

აღმოჩნდა, რომ ამაზე პასუხისმგებელია რძემჟავა და ამინომჟავა ფენილალანინი-ლაქტატ ფენილალანინი. მკვლევარები დააკვირდნენ მაღალკალორიულ დიეტაზე მყოფი რამდენიმე თაგვის სისხლში სასიგნალო მოლეკულების კონცენტრაციას. ისინი ასევე აკვირდებოდნენ მადის ცვლილებას და მასთან დაკავშირებული ჰორმონების ცვლილებას, რომლებიც მოქმედებენ ადამიანებისა და ცხოველების მეტაბოლიზმზე.

სარბენ ბილიკზე ხანგრძლივი და ხანმოკლე ვარჯიშის შემდეგ, მღრღნელების სისხლის პლაზმაში გროვდებოდა ლაქტატ ფენილალანინის მოლეკულები. ეს თავის მხრივ იწვევდა შიმშილის გრძნობასთან დაკავშირებული ჰორმონების და სხვა სასიგნოლო ნივთიერებების გამომუშავების დაქვეითებას.

მეცნიერები რეგულარულად უკეთებდნენ ჭარბი წონის თაგვებს ამ ნივთიერების ინექციებს და აკვირდებოდნენ რამდენად იცვლებოდა მათი კვებითი ქცევა. აღმოჩნდა, რომ ცხოველების სისხლში ლაქტატ ფენილალანინის შეყვანა ამცირებდა მათ დღიურ რაციონს დაახლოებით 50%-ით. შედეგად მსუქანმა თაგვებმა წონაში დაიკელს 1-1,5გ ათდღიანი თერაპიის შემდეგ, რაც ადამიანის შემთხვევაში რამდენიმე კგ-ს ეკვივალენტია. ამის შეეგად შეიძლება ითქვას, რომ ლაქტატ ფენილალანინის მიღება შესაძლებელია გახდეს გახდომის ეფექტური და უსაფრთხო საშუალება ჭარბი წონისა და მეტაბოლიზმის პრობლემების მქონე ადამიანებისათვის.