112 წლის ვენესუელელი მსოფლიოში ყველაზე ხანდაზმულ მამაკაცად დაასახელეს
ეს ტიტული მან თავის 113-ე დაბადების დღემდე რამდენიმე დღით ადრე მიიღო.
მორა დაიბადა 1909 წლის 27 მაისს 10-შვილიან ოჯახში. მან დიდხანს იმუშავა ფერმერად, ხოლო თავისი ბოლო მიწის ნაკვეთი გაყიდა 104 წლის ასაკში. მორა დაქორწინდა 1937 წელს. მეუღლე 1997 წელს გარდაეცვალა. მას ჰყავს 11 შვილი, 41 შვილიშვილი, 18 შვილთაშვილი და 12 შვილთაშვილის შვილი.
მორა ამბობს, რომ ყოველ დილით მიირთმევს ყავას და საუზმობს საკუთარ ოჯახთან ერთად. ის რჩება ერთგულ კათოლიკედ და ყოველ დღე ლოცულობს. დღეგრძელის თქმით ყველაზე მნიშვნელოვანი, რაც ცხოვრებამ ასწავლა არის ღმერთის, ოჯახის სიყვარული და ის რომ ადრიანად გავიღვიძოთ და შევუდგეთ შრომას.
მორა რეკორდსმენად დასახელდა მას შემდეგ, რაც მისი წინამორბედი ესპანელი საურნინო დე ლა ფუენტე გარსია 18 იანვარს 112 წლისა და 341 დღის ასაკში გარდაიცვალა.