გრიპის ვაქცინა იცავს ინფარქტისა და ინსულტისაგან
მეცნიერებმა განახორციელეს 2000-2021 წლებში ჩატარებული ექვსი მასშტაბური კლინიკური კვლევის შედეგების მეტაანალიზი. კვლევაში მონაწილეობდა 9000 ადამიანი. ასაკი შეადგენდა 65 წელს. მათ ნახევარს აღენიშნებოდა გულ-სისხლძარღვთა სისტემის დაავადებები. მონაწილეთა 50% ვაქცინირებული იყო სეზონურ გრიპზე, ხოლო დანარჩენები საერთოდ არ იყვნენ აცრილები ან ვაქცინაციის დროს გაუკეთდათ პლაცებო.
მონაცემთა ანალიზმა აჩვენა, რომ გრიპის ვაქცინაცია 35% -ით აქვეითებს ინფარქტის, ინსულტის, სტენოკარდიის შეტევებისა და გულ-სისხლძარღვთა სისტემის დაავადებების სხვა მძიმე გამოვლინებების რისკს მომდევნო წლის განმავლობაში.
განსაკუთრებით სასარგებლო აღმოჩნდა აცრა იმ ადამიანებისათვის, ვისაც გადატანილი ჰქონდა მწვავე კორონარული სინდრომი. მათთვის გულ-სისხლძარღვთა გართულებების რისკი წლის განმავლობაში ვაქცინაციის შემდეგ შემცირდა 45%-ით.
მკვლევარების განცხადებით, გრიპის ვაქცინაცია თავისი ეფექტურობით სრულიად შეესაბამება გულსისხძარღვთა შეტევების საპროფილაქტიკო სტანდარტულ ღონისძიებებს.