ჩინელი მედიკოსები თვალის საშუალებით არკვევენ სიკვდილის რისკს
შესაბამისი სტატია გამოქვეყნდა ჟურნალში British Journal of Ophthalmology.
მრავალრიცხოვანი მონაცემი იმაზე მეტყველებს, რომ წვრილი სისხლძარღვების ქსელის მდგომეობა შეიძლება ტვინისა და სისხლის მიმოქცევის სისტემის ზოგადი მდგომარეობის საიმედო ინდიკატორი აღმოჩნდეს. ამიტომ მეცნიერებმა ისარგებლეს მათემატიკური ალგორითმით, რათა განესაზღვრათ ადამიანის ასაკი თვალის მდგომარეობით.
მონაცემთა ბაზა შეადგენდა 80 169 თვალის ფსკერის გამოსახულებას, რომელიც მიღებული იქნა დიდ ბრიტანეთში 40-69 წლის ასაკის 46 969 მოზრდილი ადამიანისგან. აღმოჩნდა, რომ ალგორთმი განსაზღვრავს ადამიანის ასაკს საშუალოდ სამი წლის სიზუსტით. ამასთან ბადურას ბიოლოგიურ ასაკსა და რეალურ ასაკს შორის სხვაობა ასოცირებული აღმოჩნდა სიკვდილთან.
3, 5 და 10-წლიანი ასაკობრივი სხვაობის ადამიანების წილი შეადგენდა 51, 28 და 4,5 პროცენტს შესაბამისად, ასაკთა შორის დიდი სხვაობა სიკვდილის რისკს დაახლოებით 50%-ით ზრდიდა.
კვლევის ავტორები ვარაუდობენ, რომ ამ ორ მაჩვენებელს შორის სხვობა შეიძლება გამოყენებული იქნას დიაგნოსტიკური მიზნებით.