რა ცვლილებები დაფიქსირდა იმ მაიმუნების ტვინში, რომელთაც კორონავირუსის მსუბუქი ფორმა გადაიტანეს
მეცნიერთა მტკიცებით, დაავადებამ შეიძლება გამოიწვიოს დიდი რაოდენობით ანთებისა და სისხლჩაქცევის უბნები.
კვლევა ჩატარდა მაიმუნებზე, რომლებიც დაკვირვების პერიოდში არ აღენიშნებოდათ COVID-19-ის სერიოზული სიმპტომები, ამიტომ ბიოლოგები არ ელოდებოდნენ ორგანიზმზე უარყოფით შედეგებს. თუმცა, როგორც აღმოჩნდა, ორგანიზმში SARS-CoV-2 -ის შეღწევისას, ვირუსი იწვევს დიდი რაოდენობით ანთებისა და სისხლჩაქცევების კერებს იმ პრიმატებშიც კი, რომლებსაც არ აღენიშნებოდა მწვავე რესპირატორული სიმპტომები. ასეთი შედეგები აღენიშნებოდა საცდელი მაიმუნების ნახევარს.
ზოგიერთ შემთხვევაში ეს პათოლოგია იწვევდა ნერვული უჯრედების მასშტაბურ სიკვდილს, რაც ტვინის გარკვეული მიდამოს ჰიპოქსიას იწვევდა. მეცნიერთა აზრით, ამ მოვლენებით აიხსნება მეხსიერების დაბინდვა და სხვა დარღვევები, რომელიც დაავადების მწვავე სტადიაში აღინიშნებოდა.