ალცჰაიმერის დაავადებას გარემო ფაქტორების ზემოქმედებას უკავშირებენ
ამისათვის მეცნიერებმა შეისწავლეს ერთკვერცხუჯრედიანი და დიზიგოტური ტყუპები. ტვინში ამილოიდური ფოლაქების დაგროვებას საზღვრავდნენ პოზიტრონ-ემისიური ტომოგრაფიის (პეტ) საშუალებით.
მეცნიერები ხშირად იკვლევენ ერთკვერცხუჯრედიან ტყუპებს, რომელთა გენომებიც თითქმის 100%-ით იდენტურია, რათა დაადგინონ გარემო ფაქტორებსა და გენების მოქმედებას შორის კავშირი სხვადასხვა დაავადების განვითარებაში.
ნებისმიერი ფენოტიპური ან ქცევითი განსხვავება ერთუჯრედიან ტყუპებში ხშირად განპირობებულია გარემო ფაქტორების მძლავრი ზემოქმედებით, მიუხედავად მრავალი საერთო ნიშნის არსებობისა. დიზიგოტურ ტყუპებში, რომლებიც ერთად იზრდებიან, არსებობს 50%-ით იდენტური გენები, ანუ გენეტიკური განსხვავება მათთან უფრო ძლიერია, ვიდრე გარემო ფაქტორებისგან გამოწვეული განსხვავება.
კვლევაში მონაწილეობდა 71 წლის 61 ერთკვერცხუჯრედიანი ტყუპი და 42 დიზიგოტური წყვილი, რომლებსაც ჩაუტარდათ პეტ-სკანირება ამილოიდის (ცილები, რომლებიც თავის ტვინში გროვდება ალცჰაიმერის დაავადების ადრეულ სტადიაზე) დაგროვების ხარისხის გამოსავლენად. აღმოჩნდა, რომ გენები ზომიერ როლს ასრულებს თავის ტვინში ამილოიდების დაგროვებაში.
თუმცა სპეციალისტებმა ჯერჯერობით ვერ გაარკვიეს, რომელი გვერდითი ფაქტორები უწყობს ხელს ალცჰაიმერის დაავადების განვითარებას. ჰიპერტონია, დიაბეტი, ქოლესტერინის მაღალი დონე ან გულის დაავადება არ უკავშირდება თავის ტვინში ამილოიდების დაგროვების რისკს. კვლევის ავტორები აღნიშნავენ, რომ უფრო მასშტაბური კვლევაა საჭირო.