ამერიკელმა მეცნიერებმა ცხოველებზე წარმატებით გამოსცადეს აივ-ის საწინააღმდეგო ვაქცინა
რომ წარმატებით გამოსცადეს ადამიანის იმუნოდეფიციტის ვირუსის (აივ) ვაქცინა.
პრეპარატი კონსტრუირებულია მრნმ-ის ტექნოლოგიით, რომელიც გამოიყენება კორონავირუსის ვაქცინების წარმოებაში. მან კარგი შედეგები აჩვენა მაკაკებზე. ვაქცინაციიდან 58 კვირის შემდეგ ყველა აცრილ ცხოველს გამოუმუშავდა ანტისხეულები, რომლებიც მიმართულია აივ-ინფექციის შტამების უმრავლესობის წინააღმდეგ. მიუხედავად იმისა, რომ მრნმ შეყვანილი დოზები მაღალი იყო, ვაქცინას კარგად იტანდნენ და იწვევდა მხოლოდ დროებით გვერდით ეფექტებს, მაგალითად, მადის დაკარგვას.
კიდევ ორი კვირის შემდეგ მეცნიერებმა დაიწყეს მაკაკების დასნებოვნება ქიმერული ვირუსით. ინფიცირების 13 ცდის შემდეგ შვიდი იმუნიზებული მაიმუნიდან ორი არ დასნებოვნებულა. სხვა იმუნიზებული ცხოველების დასნებოვნება საშუალოდ რვა კვირის შემდეგ მოხდა. არაიმუნიზებული ცხოველები საკონტროლო ჯგუფიდან ავადდებოდნენ საშუალოდ სამი კვირის შემდეგ.
ამჟამად მეცნიერები კვლევის პროტოკოლის კორექციას ახდენენ. ვაქცინის ეფექტურობისა და უსაფრთხოების დადასტურების შემთხვევაში გამოცხადდება მოზრდილ, ჯანმრთელ ადამიანებზე ამ პლატფორმის ვაქცინის კვლევის პირველი ფაზის შესახებ.