უკვე ორსული ქალი კვლავ დაორსულდა
საუბარია სუპერფეტაციაზე - ძალიან იშვიათ მოვლენაზე, რომლის დროსაც ხდება მეორე კვერცხუჯრედის განაყოფიერება, მას სემდეგ, რაც ორსულობა უკვე დამდგარია. ეს შეიძლება მოხდეს ჩასახვიდან რამდენიმე დღეში ან კვირაში.
კალიფორნიის 25 წლის მაცხოვრებელი ოდალის მარტინესმა ულტრასონოგრაფიული კვლევისას შეიტყო რომ ტყუპზე იყო ორსულად და ჩასახვა მოხდა ხუთი დღის ინტერვალით.
ოდალისი 2020 წლის დასაწყისში დაქორწინდა და მაშინვე დაორსულდა, თუმცა ორსულობის 12 კვირის ვადაზე ორსულობა შეწყდა. ნოემბერში ის კვლავ დაორსულდა.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
პირველ ულტრასონოგრაფიულ კვლევაზე მარტო წავიდა, რადგანაც მეუღლე კორონავირუსული შეზღუდვების გამო საავადმყოფოში არ შეუშვეს. მისი თქმით ძალიან ეშინოდა რომ ნაყოფის გულისცემასთან დაკავშირებით პრობლემები იქნებოდა. ოდალისი სიხარულისგან ატირდა, როდესაც ექიმმა შეატყობინა რომ ნაყოფს გულისცემა ნორმალური ჰქონდა. თუმცა რამდენიმე წუთში ექიმმა შეატყობინა, რომ კიდევ ერთ ნაყოფს ხედავდა, რომლის გულისცემაც ასევე ნორმაში იყო, მაგრამ ზომით პირველზე მცირე იყო. მოგვიანებით ექიმებმა დაადგინეს, რომ ორივე ნაყოფი ჩასახული იყო ხუთი დღის ინტერვალით.
2021 წლის 10 აგვისტოს ოდალისს ორი გოგონა - იმელდა და ლაიოლო გაუჩნდა.
