დადგინდა კავშირი D ვიტამინის დეფიციტსა და COVID-19-ის მძიმე მიმდინარეობას შორის
გართულებებსა და სიკვდილს. სამცნიერო შრომის შედეგები გამოქვეყნდა ჟუნრალში Plos ONE.
სპეციალისტებმა ჩაატარეს რეტროსპექტული კვლევა რათა დაედგინათ როგორ მოქმედებს ინფიცირებამდე სისხლის პლაზმაში D ვიტამინის დონე COVID-19 -ის სიმძიმესა და სიკვდილიანობაზე. გაანალიზებული იქნა 1176 პაციენტის სამედიცინო ისტორია, რომლებმაც სამედიცინო ცენტრს მიმართეს SARS-CoV-2-კორონავირუსზე PCR-ტესტის დადებითი პასუხის გამო 2020 წლის 7 აპრილიდან 2021 წლის 4 თებერვლამდე. მკვლევარები საზღვრავდნენ 25(ОН)D დონეს PCR-ტესტის დადებითი პასუხიდან მე-14-დან, 730 დღემდე.
პაციენტები ჯგუფებში გადაანაწილეს დაავადების სიმძიმისა და 25(OH)D დონის მიხედვით (დეფიციტი, უკმარისობა, ადეკვატური და მაღალი დონე). ვიტამინის დონესა და COVID-19-ის სიმძიმეს შორის კავშირი ისაზღვრებოდა რეგრესიული ანალიზის საშუალებით.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
D ვიტამინის დაბალი სტატუსი ხშირად უვლინდებოდა უფრო იმ პაციენტებს, რომელთაც მოგვიანებით აღენიშნებოდა დაავადების მძიმე ან კრიტიკული მიმდინარეობა. პაციენტებს D ვიტამინის დეფიციტით (< 20ნგრ/მლ) 14-ჯერ უფრო ხშირად აღენიშნებოდათ COVID-19-ის მძიმე ან კრიტიკული მიდმინარეობა, ვიდრე პაციენტებს 40ნგრ/მლ ვიტამინის შემცველობისას.
მიუხედავად იმისა, რომ რეტროსპექტული კვლევა ცალსახად ვერ ადგენს მიზეზ-შედეგობრივ ურთიერთკავშირს, მისი შედეგები ადასტურებს ჰიპოთეზას, რომლის თანახმადაც D ვიტამინი დამცავ როლს ასრულებს კორონავირუსული ინფექციის მძიმე ფომრების წინააღმდეგ. ამას გარდა, ცნობილია, რომ ვიტამინის ძალიან დაბალი დონე დამახასიათებელია იმ ადამიანებისთვის, ვინც რისკ-ჯგუფში იმყოფება (დიაბეტი, სიმსუქნე, ჰიპერტონია, თამბაქოს მოხმარება და ცხოვრების უმოძრაო წესი). D ვიტამინს ასევე დიდი მნიშვნელობა აქვს ფილტვების ჯანმრთელობისა და სისხლის შედედების პროცესების რეგულაციისათვის, რომლებიც ასევე ირღვევა COVID-19-ის დროს.
