ახალ ზელანდიაში თამბაქოს გაყიდვა აკრძალულია მათზე, ვინც 2008 წლის შემდეგაა დაბადებული
კანონის თანახმად, რომელსაც სავარაუდოდ მომავალ წელს მიიღებენ, 2008 წლის შემდეგ დაბადებული პირები ვერ შეძლებენ სიგარეტისა და თამბაქოს ნაწარმის შეძენას მთელი ცხოვრების განმავლობაში.
ეს აკრძალვა მოწევის წინააღმდეგ ბრძოლის მასშტაბური ღონისძიებების ნაწილია. ექიმები და ჯანდაცვის სფეროს ექსპერტები მიესალმნენ რეფორმას, რომელიც შეამცირებს თამბაქოს ხელმისაწვდომობას და შეზღუდავს სიგარეტებში ნიკოტინს. მათი აზრით აღნიშნული ღონისძიებები ადამიანებს მოწევისათვის თავის დანებებაში დაეხმარება და მნიშვნელოვნად შეამცირებს ახალგაზრდებში ნიკოტინზე დამოკიდებულების განვითარების ალბათობას.
ახალმა ზელანდიამ მიზნად დაისახა, რომ მწეველთა რაოდენობა ქვეყანაში 2025 წლისთვის 5%-მდე შეამციროს და საბოლოო ჯამში საერთოდ უარი თქვას მოწევაზე. დღეისათვის ახალი ზელანდიის მოზრდილი მოსახლეობის 13% ეწევა. 10 წლის წინ მათი რიცხვი 18%-ს შეადგენდა.
მთავრობამ ასევე გაამკაცრა თამბაქოს გაყიდვაზე კონტროლი, მნიშვნელოვნად შეზღუდა სიგარეტების გაყიდვა სუპერმარკეტებსა და მცირე ზომის მაღაზიებში.