ზეითუნის ზეთი კოსმეტოლოგიაში - მკურნალი.გე

ნანა კალანდაძე

ეს ზეთი უხვად შეიცავს სასარგებლო ნივთიერებებს – ვიტამინებს, მჟავებსა და მიკროელემენტებს. A, B, C, D, E, F, K ვიტამინები აქტიურად ებრძვის თავისუფალ რადიკალებს, აუმჯობესებს კანისა და თმის სტრუქტურას, ხელს უწყობს ძვლოვანი და კუნთოვანი ქსოვილის განმტკიცებას. ზეთი ხელს უწყობს უჯრედების რეგენერაციას, ზეთისხილის ზეთი ჰიპოალერგიულია. შეგიძლიათ მიიღოთ ზეითუნის ზეთის აბაზანა, ან უბრალოდ შეიზილოთ – კანი გახდება ხავერდოვანი, გლუვი. ზეითუნის ზეთი უპირატესად გამოიყენება მშრალი და დამჭკნარი კანისთვის. ის ატენიანებს და ავსებს ფორებს.

ზეითუნის ზეთის გამოყენება კანის გასაწმენდად

ზეითუნის შემთბარი ზეთი შეგიძლიათ გამოიყენოთ როგორც მაკიაჟის მოსაშორებელი რძე. თუ მშრალი კანი გაქვთ, შეგიძლიათ დაიტოვოთ ღამით და არ ჩამოიბანოთ. სხვა შემთხვევაში კი აუცილებელია ცივი წყლით ჩამობანა.

კანის დასარბილებლად

გამოიყენეთ ნიღაბი, რომელიც ასე მზადდება: ერთი სუფრის კოვზი ხაჭო შევურიოთ 2 სუფრის კოვზ ზეითუნის ზეთს. სქელი ფენის ნარევი დაიდეთ სახეზე არაუმეტეს 20 წუთისა, შემდეგ ჩამოიბანეთ. დაბერებული კანისთვის შეგიძლიათ დაამატოთ ერთი ჩაის კოვზი თაფლი.

მშრალი კანის შემთხვევაში შეგვიძლია ხილის, კენკრის, ბოსტნეულის და ზეითუნის ნარევის გამოყენება. ერთი სუფრის კოვზი ზეთი უნდა შევურიოთ ხილის ფაფაში და დავიდოთ სახეზე 15-20 წუთის განმავლობაში.

მშრალი კანისთვის გამოიყენება შემდეგი ხილი: ბანანი, ხურმა, ნესვი, შავი მოცხარი, მოცვი.

ნორმალური კანისთვის გამოიყენება: ციტრუსები, ვაშლი, კივი და საზამთრო.

შენახვა და გამოყენება

ზეთმა სასარგებლო თვისებები რომ შეინარჩუნოს, უნდა შევინახოთ სიბნელეში, +5-დან +20 გრადუსამდე ტემპერატურაზე, სასურველია, მინის და არავითარ შემთხვევაში – ლითონის ჭურჭლით.

არარაფინირებული ზეთის მაცივარში შენახვა ჯობს.

გახსნილ ბოთლში ზეთი უფრო სწრაფად ფუჭდება, ამიტომ ეცადეთ, გახსნის შემდეგ ორი თვის განმავლობაში გამოიყენოთ.

გახსნილი ბოთლი ყოველთვის ჰერმეტულად მოხუფეთ, რომ ზეთი ჟანგბადისა და ტენისგან დაიცვათ.

• სარგებელი კანის მოვლისთვის:

1. ატენიანებს კანს;

2. აუმჯობესებს კანის სტრუქტურას;

3. კარგია მაკიაჟის მოსაშორებლად;

4. აქვს კანის დაბერების საწინააღმდეგო ეფექტი;

5. გამოიყენება როგორც ტუჩის სკრაბი.

• სარგებელი თმის მოვლისთვის:

1. აუმჯობესებს თმის სტრუქტურას;

2. გამოიყენება როგორც თმის ბალზამი.

• სარგებელი ორგანიზმის ჯანმრთელობისთვის:

1. აუმჯობესებს ფრჩხილის სტრუქტურას;

2. გამოიყენება მკერდის კიბოს პრევენციისთვის;

3. გამოიყენება დიაბეტის პრევენციისთვის;

4. გამოიყენება ალცჰაიმერის დაავადების პრევენციისთვის;

5. აძლიერებს ძვლის სტრუქტურას;

6. კურნავს დეპრესიას;

7. ეხმარება წონის დაკლების დროს;

8. აბალანსებს ქოლესტერინის რაო­დენობას;

9. გამოიყენება როგორც გამაყუჩებელი საშუალება;

10. ეხმარება თირკმლებიდან ქვების გამოყოფას.