ერთი წელია გათხოვილი ვარ და ამ ბოლოს დამეწყო ურთი... | რჩევები - მკურნალი.გე

რუბრიკები

ოჯახის მკურნალის ანონსი

ოქტომბერი 2019

კითხვა-პასუხი

0
უფასო კითხვა
0
ფასიანი კითხვა
კითხვა-პასუხი - რჩევები

კატეგორია - რჩევები

02-08-2010

- ერთი წელია გათხოვილი ვარ და ამ ბოლოს დამეწყო ურთიერთობის მერე სისხლდენა. ცოტა ხნით მომდის და შემდეგ მცირე რაოდენობით და რისი ბრალი შეიძლება იყოს? ძალიან მეშინია.

პასუხი
- სექსუალური აქტის დროს სისხლიანი გამონადენის არსებობის მიზეზი ბევრი რამ შეიძლება იყოს. შემთხვევათა უმრავლესობაში ასეთი სისხლდენა არ წარმოადგენს რაიმე განსაკუთრებულ საშიშროებას ქალისთვის, მაგრამ, მიუხედავად ამისა, სასქესო ორგანოდან სისხლიანი გამონადენის არსებობის შემთხვევაში ქალმა სასწრაფოდ უნდა მიმართოს გინეკოლოგს მიზეზის გასარკვევად და შესაბამისი მკურნალობის დასანიშნად.
ახლა, რაც შეეხება უშუალოდ მიზეზებს. სასქესო ორგანოდან სქესობრივი აქტის დროს სისხლდენის მიზეზი შეიძლება იყოს მექანიკური ხასიათის. ვგულისხმობ ტრავმას, რომელიც შეიძლება მიიღოს ქალმა უხეში სექსის დროს: საშოს კედლის ან საშვილოსნოს ყელის ლორწოვანი გარსის ტრავმა ან გახევა.
მაგრამ ყველაზე ხშირად კოიტუზის შემდგომი სისხლდენის მიზეზი ხდება ინფექციური დაავადებები, მეტწილად ქლამიდიოზი ან სხვა სქესობრივი გზით გადამდები დაავადება. გარდა ამისა, სექსუალური კონტაქტის შემდგომი სისხლდენა შეიძლება განაპირობოს ქალის სასქესო ორგანოების ანთებითმა დაავადებამ. მათგან ყველაზე ხშირი მიზეზია ცერვიციტი _ ანთებითი პროცესი, რომელიც აზიანებს საშვილოსნოს ყელს, ან ვაგინიტი - საშოს ანთება. ორივე შემთხვევაში სისხლიანი გამონადენს ქალი ამჩნევს არა მარტო სქსობრივი აქტის დროს. ქალის სასქესო ორგანოების ანთებითი პროცესი შეიძლება განაპირობოს ინფექციურმა ან სოკოვანმა დაავადებამ, ზოგიერთი წამლის მიღებამ, ან ინტიმური ჰიგიენის არასათანადო დაცვამ. ანთების მიზეზი შეიძლება ადამიანის ორგანიზმის ნორმალური ფლორაც გახდეს, მაგალითად, სტაფილოკოკი, ნაწლავის ჩხირი და სხვა. ისინი შეიძლება მოხვდეს ქალის სასქესო ორგანოში მამაკაციდან ან პირიდან. საშოში ეს მიკროორგანიზმები იწყებენ გამრავლებას დაშეძლება გამოიწვიოს ანთება, განსაკუთრებით თუ ქალს დაქვეითებული აქვს იმუნიტეტი, ორსულადაა, ან აქვს მენსტრუაცია. არც ცერვიციტი და არც ვაგინიტი არ წარმოადგენს ქალისთვის საშიშროებას და საკმაოდ სწრაფად და ადვილად ინკურნება ანტიბიოტიკების დახმარებით.
სქესობრივი აქტის დროს სისხლდენის გავრცელებული მიზეზია ეროზია და პოლიპები. ეროზიის მკურნალობა ხდება მოწვით (ან მოყინვით). პოლიპის შემთხვევაში მისი მოშორებაა რეკომენდირებული. ეს არ არის რთული ოპერაცია.
სქესობრივი აქტს დროს სისხლდენა შეიძლება განაპირობოს ზოგიერთი პრეპარატის მიღებამ, მაგალითად, ასპირინის, ასევე სისხლის შედედების უნარის დამაქვეითებელმა პრეპარატებმა. ეს ხდება იმ შემთხვევაში, თუ წამლის მიღების შედეგად ხდება საშვილოსნოს ლორწოვანი გარსის ჰიპოპლაზია, ანუ შიგნითა შრის შემცირება.
სისხლდენა ასევე შეიძლება გამოიწვიოს ზოგიერთი ჰორმონალური პრეპარატის (მაგალითად, ჩასახვის საწინააღმდეგო) არასწორმა მიღებამ. მაგალითად, ამ ტიპის წამლების მიღების გამოტოვებას ან დაგვიანებას შეიძლება მოჰყვეს სექსუალური კონტაქტის დროს სისხლდენა.
იშვიათად, სისხლიანი გამონადენის მიზეზი შეიძლება იყოს საშვილოსნოს ყელში პათოლოგიური ცვლილებები, სისხლის დაავადებები და სხვა.
ასე, რომ გირჩვეთ გინეკოლოგთან ვიზიტს მიზეზის დადგენის და შესაბამისი მკურნალბის დანიშვნის მიზნით.
გინეკოლოგთან კონსულტაციაზე ჩაწერისთვის დაგვიკავშირდით 577 12 04 66
კომენტარები
დაამატეთ კომენტარი
მსგავსი კითხვები
დიეტოლოგია
რკინა ერთ-ერთი სტიმულატორია, რომელსაც შეიცავს ბროწეული, მწვანე ვაშლი, წიწიბურა, შავი პური, პარკოსნები
ამერიკელი ექსპერტები შავი ქლიავის რაციონში ჩართვისკენ მოგვიწოდებენ. მასში მაღალია ანტიოქსიდანტების
ბევრი სასარგებლო პროდუქტი ნაკლებად ცნობილი და ბოლომდე შეუფასებელია, მათ შორისაა ნუშის რძე.
ალოე ვერა განსაკუთრებული თვისებების მქონე მარადმწვანე მცენარეა. მისი სამშობლო აფრიკაა, თუმცა დღეს ის უამრავ რეგიონშია გავრცელებული.
სადღეისოდ ასეთი კრემების ასორტიმენტი საკმაოდ ფართოა. ხშირად არც კი ვიცით, რომელი ხაზის კრემი უფრო მიესადაგება ჩვენს კანს.
სამწუხაროდ, ბოლო ათწლეულის მანძილზე ალერგიული დაავადებებით, მათ შორის - ბრონქული ასთმით დაავადებულთა
დღევანდელი ცხოვრების რიტმი, მძიმე ეკოლოგიური გარემო, კვების თავისებურებები განაპირობებს სხვადასხვა პათოლოგიის
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად