-პატარა არის 26 დღის და 90 გრამი ხელოვნური საკვები არ ყოფნის. გავუზარდე 120 მდე და მაინც ითხოვს დამატებიტ მიიღოს საკვები. მაქვს რძე ძალიან ცოტა. იმასაც ვაჭმევ ხოლმე შიგადა შიგ. თუმცა აი ასე აკეთებს . ჩემმა პედიატრმა პასუხი ვერ გამცა ამ კითხვაზე და იქნებ დამეხმაროთ როგორ მოვიქცე?

-ხელოვნური კვების დროს მისაღები საკვების რაოდენობა დამოკიდებულია პატარას ასაკზე, წონასა და ადაპტირებული ნარევის ტიპზე. არსებობს ჩვილისთვის საკვების საჭირო ოდენობის გამოანგარიშების რამდენიმე მეთოდი. შეიძლება ვისარგებლოთ მოცულობითი მეთოდით, რომელიც ბავშვის წონას ითვალისწინებს.
სიცოცხლის პირველ 2 თვეს ბავშვმა დღის განმავლობაში ნარევი უნდა მიიღოს სხეულის მასის 1/5 (თითო ჯერზე მისაღები ულუფის განსაზღვრისთვის კი ეს რაოდენობა უნდა გაყოთ მიღების ჯერადობაზე). 
კვებებს შორის ინტერვალი სასურველია 3,5 საათი დღის მანძილზე, ხოლო ღამით აუცილებელია 6 საათიანი ინტერვალი, ხელოვნური კვებისას ღამით კვება დაუშვებელია.
ეს ციფრები მაინც ინდივიდუალურია, ზოგიერთი ბავშვი შეიძლება ჭამდეს უფრო ნაკლებს, ზოგიც ოდნავ მეტს.
ულუფების რეკომედნირებული რაოდენობა და მოცულობა ასევე მითითებულია საკვების ეტიკეტზე, და საორიენტაციოდ შეგიძლიათ ეს ინფორმაცია გამოიყენოთ. 10-20 მლ-ით ხდება ულუფის გაზრდა და ყოველ შემდეგ თვეზე ჯამში 30მლ-ით.
რეკომენდებული ულუფის მიღების შემდეგ  მიეცით მატყუარა საწოვარა.
ბავშვის კვების საკითხი განიხილეთ პირად პედიატრთან.