-გამარჯობათ მყავს 3 წლის გოგონა და 5 დღეა აქვს დაბალი ტემპერატურა 34.7 მაღლა არ იწევს, ფილტვები სუფთა აქ, არ ახველებს, გემოგლობი აქვს 65, როე 10, იყო გაციებული და დღემდე აქ სურდო, რის გამო შეიძლება ქონდეს ესეთი დაბალი ტემპერატურა, რამდენად საშიშია,რისი ბრალია, გთოხოვთ მალე მიპასუხოთ დიდი მადლობა

-ასეთი ტემპერატურა გადატანილი ვირუსული ინფექციის შემდეგ იცის ხოლმე (ტემპერატურის დაწევა იცის ანტიბიოტიკების , მაკროლიდის ჯგუფის წარმომადგენლების, მიღების შემდეგ, (თერმორეგულაციის ცენტრზე ახდენენ ზეგავლენას). შესაძლო მიზეზია სტრეპტოკოკური ინტოქსიკაციის ზემოქმედება, იმუნიტეტის დაქვეითება).
გყავდეთ თბილად ჩაცმული, განსაკუთრებით დაუთბუნეთ ფეხები, ზედმეტადაც არა. ნუ გაიყვანთ გარეთ, სანამ ტემპერატურა დაბალი აქვს, რადგან ამ დროს ბავშის იმუნიტეტი ისედაც დაქვეითებულია, მოარიდეთ ხალხმრავალ ადგილებს, ღამით დაიწვინეთ თქვენს გვერდით, რომ თბილად იყოს, თუ დამატებით ბავშვი ღებულობს ხილს ან ხაჭოს კარგია, ეს აქტივებს ორგანიზმის დამცველ ძალებს. დატვირთეთ თბილი სითხით(საბავშვო ჩაი), კომპოტი ახლად მომზადებული.
პედიატრის რჩევით სასურველი იქნება ვიტამინების მიღება; დაახლოებით ერთ კვირაში მდგომარეობა უნდა გამოსწორდეს.
ტემპერატურის გასაზომად გამოიყენეთ ვერცხლისწყლიანი თერმომეტრი და არა ელექტრო, ტემპერატურა გაზომეთ ორივე იღლიაში. თუ ერთი კვირის შემდეგაც გაგრძელდა ასეთი მდგომარეობა აუცილებელი იქნება  ჰელმინთებზე ( ჭიებზე) გამოკვლევა , ასევე მონონუკლეოზზე.
თუ ასეთი  ტემპერატურის ფონზე ბავში არის მივარდნილი და აქვს სისუსტე დაუყოვნებლივ მიმართეთ ექიმს.