-გამარჯობა. მყავს 2,2 წლის ბიჭი.ჯერ არ საუბრობს,მაგრამ იცის ხელი,ფეხი,თავი,ყური,ცხვირი,ენა,კბილები,თვალები,ლოყები,მუცელი. იცის მისალმება და დამშვიდობება ხელის დაქნევით,კოცნის გაგზავნით. იცის ნწა ნწა წყალი როცა უნდა. რომ ვეტყვი მოდი დავიძინოთთქო ა-ა-ა-ა ასე ამბობს,ანუ ხვდება რასაც ვეუბნები. უყვარს წიგნები,მე ვეუბნები და პოულობს ნახატების მიხედვით სად რა არის და თითს ადებს. მაგ:ბუზი,ობობა,სპილო,ჟირაფი,ბურთი,ქოლგა,მატარებელი თოჯინა,თევზი,კუ და ა.შ. ცნობს ოჯახის წევრებს და ვისზეც ვეკითხებით იმისკენ იშვერს თითს. ძილით კარგად სძინავს,დღე 1,5 ან 2 სთ და ღამით 22 ან 22:30 სთდან დილის 8 სთმდე. დამოუკიდებლად მიირთმევს,იცის კოვზის და ჩანგლის გამოყენება. ასრულებს მარტივ ინსტრუქციებს,კარი გააღე,დაკეტე,ბურთი აიღე,მომეცი,ჭამე საჭმელი,დალიე წყალი,წადი მამასთან,ბებოსთან,ჩაეხუტე,მოეფერე და ა.შ. არის აქტიური ბავშვი,უყვარს გარეთ გასვლა, თუ ვინმე გარეთ გადის ყველას გაეტირება.არ იცის უცხოობა უმეტეს წილად. უყვარს ბურთით და მანქანებით თამაში. გაღიმებაზე თვითონაც ღიმილით გპასუხობს,უკრავს დოლზე,ცეკვავს. დაძახებაზეც რეაგირებს. ყველანაირად ძალიან კარგი ბავშვია,არ არის ჭირვეული იშვიათად თუ იტირებს.რაც არ მომწონს ისაა რომ არაფერს არ ამბობს,მხოლოდ მამას იძახის.ყველაფერზე თითს იშვერს მაგრამ რომ ვეუბნები რა რა არის არ იმეორებს,მიყურებს მხოლოდ. ადოსის კვლევა ორჯერ ჩავუტარე და პირველად 7 ქულა ავიღეთ,მეორედ 3. ბოლოს თამარ ედიბერიძესთან მყავდა და დამამშვიდა,ძალიან კარგი ბიჭიაო,ზუსტად იმას აკეთებს რასაც ყველა ბავშვი უნდა აკეთებდესო. მაგრამ ის არის კიდევ რომ ყველაფერზე თავს გვირტყავს,ახლა ხელის ჩარტყმასაც მოუხშირა,აწვალებს თითებს ცერს და საჩვენებელს,ხან საგნებსაც ყრის დაბლა,ხან წამოიკივლებს ხოლმე,ზოგჯერ მუშტს ურტყავს მაგიდას ან იდაყვებს.ადის მაგიდაზე და ფეხებს აბაკუნებს.ასეთი ქცევები აქვს უცნაური,რამე თუ გაუხარდა ცანცარებს ხოლმე,გაიქცევა გამოიქცევა,თავს აქნევს და მიეჯახება ხოლმე კედელზე. ეს ქცევები რას უნდა ნიშნავდეს?თითქოს ემოციების მოზღვავება აქვს არ ვიცი რა დავარქვა. ინტერნეტში ვნახე და სენსორულ დარღვევას გავს. ბევრი რამ დაემთხვა. როგორ მოვიქცე. თერაპიებზე უკვე დამყავს,გაჯეტები აკრძალული მაქვს.