-გამარჯობა. ვარ 19 წლის მამაკაცი. მაინტერესებს თუ სად შემიძლია გავაკეთებინო შესაბამისი ანალიზი, რათა დადგინდეს ვარ თუ არა შვილის ყოლის უნარის მქონე,მინდა რომ წინასწარ, ქორწინებამდე ვიცოდე, მაქვს თუ არა რაიმე სამკურნალო. არის თუ არა დღესდღეობით მედიცინა იმ დონეზე, რომ აღმოიფხვრას მსგავსი სახის დარღვევა მისი არსებობის შემთხვევაში? პ.ს. გმადლობთ ჩემს მიერ დასმულ წინა შეკითხვაზე გაცემული პასუხისათვის.

-უნდა მიმართოთ ანდროლოგს. ნებისმიერ სამედიცინო დაწესებულებას, სადაც ყავთ ანდროლოგები და არის ლაბორატორია კეთდება სპერმის ანალიზი.
სპერმის ანალიზის აღების წინ აუცილებელია შემდეგი წესების დაცვა: მამაკაცმა სპერმის ანალიზის ჩაბარებამდე 5-7 დღე თავი უნდა შეიკავოს სქესობრივი ცხოვრებისგან. ამ დღეებში იკრძალება ალკოჰოლის მიღება, მძიმე ფიზიკური შრომა, გადახურება (საუნა, ცხელი აბაზანის მიღება). ანალიზის ჩაბარება საჭიროა დაავადებების (გრიპი, გაციება, ანგინა) გადატანიდან 2-3 კვირის შემდეგ.
თუ როგორ ხდება სპერმის აღება ამას უშუალოდ ლაბორატორიაში გასწავლიან.