”მკურნალის” რედაქცია

რთული წარმოშობა აქვს: მის ჩამოყალიბებაში მონაწილეობს ნევროგენული, მემკვიდრეობითი, იმუნური, ნივთიერებათა ცვლასთან დაკავშირებული ფაქტორები. გარეგნულად ის მხოლოდ კანისმიერი სიმპტომებით ვლინდება, ამიტომ კანის დაავადებად მიაჩნიათ. სინამდვილეში ფსორიაზი სისტემური დაავადებაა, რომელიც კანთან ერთად ორგანიზმის მთელ სისტემებს აზიანებს.

მკურნალობის სადღეისოდ არსებული ყველა მეთოდი აუმჯობესებს სიცოცხლის ხარისხს, მაგრამ არ კურნავს, თუმცა არსებობს ერთი საშუალება, რომელსაც შეუძლია, საგრძნობლად შეასუსტოს და გააქროს კიდეც დაავადების ნიშნები. ეს საშუალება ცხოვრების ჯანსაღი წესია. თავი არიდეთ ნერვულ გადაძაბვას, თავი დაანებეთ მოწევასა და სმას, ხშირად ისეირნეთ სუფთა ჰაერზე, მოიწესრიგეთ სქესობრივი ცხოვრება და, რაც მთავარია, არასოდეს დაკარგოთ გამოჯანმრთელების იმედი.

ფსორიაზით დაავადებულებმა:

• უნდა ატარონ თავისუფალი და ჰაერგამტარი ტანსაცმელი;

• დიდი ყურადღებით მოეკიდონ საპნებსა და კანის გამწმენდ საშუალებებს;

• გამოიყენონ რბილი საპნები, რომლებიც კანს არ აღიზიანებს;

• ერიდონ სტრესს და ისწავლონ მისი დაძლევა;

• მისდიონ სპორტს;

• დიდი დრო გაატარონ მზეზე, რადგანაც მზის სხივებს სამკურნალო თვისებები აქვს;

• მიიღონ სამკურნალო აბაზანები, რომელთაც კარგი თერაპიული ეფექტი აქვს;

• იკვებონ ჯანსაღად, რადგანაც ნაწლავების ჯანსაღ მიკროფლორას დიდი მნიშვნელობა აქვს როგორც კანის, ასევე მთლიანად ორგანიზმის ჯანმრთელობისათვის.

თინათინ გოცაძე

ფსორიაზი დამნაშავეა ფსორიაზი ფსორიაზის მკურნალობა ხალხური მეთოდებით