ენდობით თუ არა ექიმს? - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

ენდობით თუ არა ექიმს?

.

მაგრამ როგორ მოვახერხოთ ეს? როგორ ვიპოვოთ ისეთი ექიმი, რომელიც "ჩვენიანი" იქნება? არ შეეცდება "ჰიპერდიაგნოსტირებას", იოლად მიგვიხვდება, რისი თქმა გვსურს, ნებისმიერ დროს შეგვეძლება მისთვის დახმარებისთვის მიმართვა? ან როგორ მივხვდეთ, რომ კონკრეტული ექიმი კარგი სპეციალისტია?

  • ადამიანური ფაქტორი მნიშვნელოვან როლს თამაშობს

მედიცინისგან შორს მდგომი ადამიანისთვის საკმაოდ რთულია, ობიექტურად შეაფასოს ექიმის პიროვნება და პროფესიონალური თვისებები. თუმცა, არსებობს გარკვეული კრიტერიუმები და თუ მათით იხელმძღვანელებთ, შეგიძლიათ წარმოდგენა შეიქმნათ მასზე, როგორც პროფესიონალსა და ადამიანზე.

  • მაშ ასე...

"შენი" ექიმის არჩევა თითქმის იგივეა, რაც უახლოესი მეგობრის არჩევა. მხოლოდ სრული ნდობით შეიძლება მიაღწიოთ სასურველ შედეგს მკურნალობისას. თუ ნდობას ვერ მიაღწევთ, უნდა შეცვალოთ სპეციალისტი. ძალიან მნიშვნელოვანია, რომ გარემომ, რომელიც სუფევს ექიმის მისაღებში, პოზიტიური ზემოქმედება მოახდინოს. მეგობრული ტონი, სიმშვიდის განცდა და დამაჯერებლობა - ისევე, როგორც ნებისმიერ სხვა პროფესიაში, მედიცინაშიც ძალიან ბევრს წყვეტს ადამიანური ფაქტორი.

"შენი" ექიმის ძიების პროცესში ხშირად ფიქრობ, თუ ვის მიანიჭო უპირატესობა - ექიმ-მამაკაცს თუ ექიმ-ქალს.

ზოგიერთისთვის ექიმის სქესი გადამწყვეტ როლს არ თამაშობს, მთავარია - სპეციალისტი იყოს კარგი. ბევრისთვის კი ეს საკმაოდ მნიშვნელოვანია. რა თქმა უნდა, ექიმ-მამაკაცებსა და ექიმ-ქალებს შორის განსხვავება კვალიფიკაციისა და უნარების მიხედვით არ არსებობს. თუმცა, თუ ამ ფაქტორს თქვენთვის მნიშვნელობა აქვს, შეარჩიეთ ის, ვისთანაც თავს უფრო კომფორტულად იგრძნობთ.

არის კიდევ რამდენიმე არანაკლებ მნიშვნელოვანი დეტალი, რომლებსაც ბევრი რამის თქმა შეუძლია ექიმზე მის პირადად გაცნობამდე:

  1. შეიძლება ეჭვი შეიტანოთ ექიმში, რომელიც ხშირად ახდენს ისეთი განსაკუთრებული ცოდნისა და პორფესიონალიზმის დეკლარირებას, რომელიც სხვა სპეციალისტისთვის მიუწვდომელია. ნამდვილი პროფესიონალი ყოველთვის აცნობიერებს, რომ მან რაღაც მაინც არ იცის თავის საქმეში - ეს აუცილებელი პირობაა მომავალი პროფესიული ზრდისთვის.
  2. "ცნობილი ექიმის" იმიჯი ხშირად იმაზე მეტყველებს, რომ მან თვითონვე დიდი ძალისხმევა დახარჯა იმისათვის, რომ ცნო-ბილი გამხდარიყო. თუმცა ხანდახან ეს კარგი და ძვირად ღირებული რეკლამის შედეგია. ამიტომ შეეცადეთ გაესაუბროთ იმ პაციენტებს, რომლებსაც უკვე ჰქონდათ ურთიერთობა თქვენთვის საინტერესო ექიმთან. გაარკვიეთ, როგორი იყო მკურნა-ლობის ეფექტი და ამგვარი ინფორმაციების საფუძველზე გააკეთეთ საკუთარი დასკვნა.

  • ენდე, მაგრამ შეამოწმე

დაიმახსოვრეთ, რომ სიტყვებს "მკურნალობა" და "განკურნება" სხვადასხვა არსი აქვთ. მკურნალობა ასახავს პროცესს, ხოლო განკურნება - შედეგს. გონიერი ექიმი არასოდეს აიღებს საკუთარ თავზე განუკურნებელი დაავადების განკურნების მცდელობას.

დაიმახსოვრეთ კიდევ რამდენიმე მარტივი წესი, რომელთა მიხედვითაც უნდა იმსჯელოთ ნამდვილ, მცოდნე სპეციალისტზე.

  1. ლიცენზიის არსებობა არაფერს გვეუბნება ექიმის პროფესიონალურ თვისებებზე. ლიცენზია საჭიროა მხოლოდ იმისათვის, რომ პროფესიული ცოდნის გამოყენებით ექიმმა ანაზღაურება მიიღოს.
  2. ნუ მიანდობთ თქვენს ბედს ექიმს, რომლის კაბინეტი უძვირფასესი ავეჯით არის მორთული, სამუშაო მაგიდაზე ბევრია ძვირად ღირებული ნივთი და აქსესუარი, მაგრამ არც ერთი წიგნი არ დევს! სამუშაო კაბინეტი - გარკვეულწილად ექიმის სახეს წარმოადგენს, მისი ცხოვრებისეული ფასეულობების ანარეკლია. კაბინეტი ფუნქციური უნდა იყოს და არა მდიდრული.
  3. ყურადღება მიაქციეთ, როგორ საუბრობს თქვენ მიერ არჩეული სპეციალისტი. თუ მისი მეტყველება დატვირთულია გაუგებარი სამედიცინო ტერმინებით, რომელთა ახსნაც უჭირს ჩვეულებრივი, ადამიანური, გასაგები ენით, შეიძლება ეჭვიც შეიტანოთ მის კომპეტენტურობაში.
  4. შეფასების კრიტერიუმად გამოდგება დრო, რომელსაც ექიმი უთმობს პაციენტს პირველ კონსულტაციაზე. შეუძლებელია ადამიანის პრობლემაში ჩაღრმავება 5-10 წუთში. თუ "ცნობილი ექიმის" მოსაცდელში ადამიანთა ორი ათეულია, ხოლო თითოეულ პაციენტს ის მხოლოდ რამდენიმე წუთს უთმობს, ალბათ იმედი უნდა გაგიცრუვდეთ და გაიქცეთ...
  5. კარგი ექიმი თქვენზე და თქვენს პრობლემებზე აზრს მანამ შეიქმნის, სანამ თქვენ მიერ მიწოდებულ გამოკვლევებს დაწვ¬რილებით გაეცნობოდეს. გასინჯვამდე საუბარში გაარკვევს თქვენი ჩივილების არსს. ეს დიალოგი საკმაოდ ხანგრძლივი შეიძლება აღმოჩნდეს, უნდა შეიცავდეს შეკითხვებს, რომელთა საშუალებით ირკვევა ის დეტალები, რომელთა გარეშეც ავადმყოფობის სურათი სრულყოფილი არ იქნება.

  • თითოეულის პირადი საქმე

ექიმისადმი ნდობა დამოკიდებულია თქვენს პირად ფასეულობებზე. მაგალითად, თქვენი მეგობარი ენდობა მხოლოდ სამეცნიერო ხარისხის მქონე სპეციალისტს, არანაკლებ პროფესორისას; სხვა - უპირატესობას ანიჭებს პრესტიჟულ კლინიკაში მომუშავე ექიმებს. ეს დეტალები მნიშვნელოვანია, მაგრამ... ერთ ძველ აღმოსავლურ ტრაქტატში მოცემულია ორმოცამდე ადამიანური თვისება, რომელიც უნდა ახასიათებდეს კარგ ექიმს, აქ პირველ ადგილზე არის - ჯანსაღი აზრის არსებობა. იმის განსაზღვრა, აქვს თუ არა ის ექიმს, ადვილია: თქვენთვის გასაგები უნდა იყოს ყველაფერი, რაზეც ის ისაუბრებს, რადგან მედიცინაში არაფერია ისეთი, რისი ახსნა და გაგებაც შეუძლებელი იყოს.