არამედიკამენტური ანტიმიკრობული საშუალებები - მკურნალი.გე

ენციკლოპედიაგამომთვლელებისანდომერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

არამედიკამენტური ანტიმიკრობული საშუალებები

უძველესი დროიდან გამოიყენება ჩირქოვანი ჭრილობებისა თუ სხვადასხვა ინფექციური დაავადების სამკურნალოდ. აღნიშნული საშუალებები, ანტიბიოტიკების ფართო არჩევანის მიუხედავად, დღესაც არ კარგავენ მნიშვნელობას. ამის მიზეზი, უპირველესად, ალბათ, ის არის, რომ „ბუნებრივი ანტიბიოტიკები“, ანუ ბუნებისაგან ბოძებული ეს წამლები, არ იწვევენ გართულებებს, არ ავლენენ უარყოფით გვერდით მოვლენებს და არ ვნებენ ადამიანის ორგანიზმს.

გთავაზობთ ზოგიერთი მათგანის შესახებ მოკლე ინფორმაციას:

თაფლის ანტიბაქტერიული თვისებები

ყველას კარგად მოეხსენება, რომ ნატურალური თაფლი წლობით ინარჩუნებს კვებით თუ სამკურნალო თვისებებს. არ ობდება და არ ლპება. ეს თავისებურებანი ოდითგან ამყარებდა იმ აზრს, რომ თაფლი მდიდარია ანტიმიკრობული ნივთიერებებით. სწორედ ამის გამო ფუტკრის ეს ძვირფასი პროდუქტი უძველესი დროიდან გამოიყენება ჩირქოვანი (ინფიცირებული) ჭრილობების სამკურნალოდ. დღეს უკვე ცალკეული მეცნიერული გამოკვლევებით დადგენილია თაფლის ბაქტერიოსტატიკური, ასევე ბაქტერიციდული მოქმედება. თაფლის ანტიმიკრობული მოქმედება მიმართულია გრამდადებით კოკებზე (სტაფილოკოკები, სტრეპტოკოკები), ბაქტერიებზე (დიფტერიული მიკრობი) და ბაცილებზე (Вас. anthracis и Вас. Mesentericus). გრამუარყოფითი ბაქტერიები ნაკლებად მგრძნობიარეა. ამ თვალსაზრისით ყველაზე მეტად გამძლეა კოლი-ბაქტერია. ამ და ზემოთ აღნიშნულ ბაქტერიებზე თაფლი მხოლოდ ბაქტერიოსტატიკურ მოქმედებას ავლენს. როგორც გაირკვა, ნატურალურ თაფლს პროტისტოციდული მოქმედებაც გააჩნია, ანუ ის დამღუპველად მოქმედებს (კლავს) ცხოველური წარმოშობის ერთუჯრედიან ორგანიზმებზე – უმარტივესებზე (ამება, ინფუზორია და სხვა). ზოგიერთი მათგანი ადამიანისათვის სრულიად უვნებელია, ზოგიერთი კი ადამიანისა და ცხოველთა ორგანიზმში სერიოზულ დაავადებებს იწვევს. თაფლში ნაპოვნია მფრინავი ანტიპროტოზოული ნივთიერებებიც, რაც იმას ნიშნავს, რომ ბუნების ეს საოცრება ანტიპროტოზოული თვისებებითაც ხასიათდება. ის არა მხოლოდ აჩერებს გარკვეული სახეობის უმარტივესების განვითარებას, არამედ ანადგურებს ბევრ მათგანს. დამღუპველად მოქმედებს უშუალოდ ტრიქომონაზე (Trichomonas vaginalis), რომელიც ქალებში კოლპიტის (საშოს ანთების) ხშირი გამომწვევია.

ჩაის სოკოს ანტიბაქტერიული თვისებები

ჩაის სოკოს „მაგარი“ (დაახლოებით ათ ან უფრო მეტდღიანი) ნაყენი ძლიერი ანტიბაქტერიული მოქმედებით გამოირჩევა და განსაკუთრებით მნიშვნელოვანია ინფიცირებული ჭრილობებისა და კანის ჩირქოვანი დაავადებების მკურნალობაში. ცნობილია, რომ კანის ჩირქოვან ინფექციებს სხვადასხვა გამომწვევი (სტაფილოკოკი და სტრეპტოკოკი) იწვევს, რომელიც ფართოდ არის ბუნებაში გავრცელებული. მიკროორგანიზმები უხვად მოიპოვება ჯანმრთელი ადამიანის კანზეც. გარკვეულ პირობებში (ნაკაწრი და ნაჩხვლეტი ჭრილობა, მწერის ნაკბენი, ბასრი იარაღით კანის გაჭრა-დაზიანება, თუნდაც მიკროტრავმები) მათ უნარი შესწევთ გამოიწვიონ ჩირქოვანი დაავადება. ფართო სპექტრის ანტიბაქტერიული მოქმედების წყალობით, ჩაის სოკოს ნაყენს შეუძლია როგორც მცირე ზომის ჩირქგროვების, ასევე დაინფიცირებული ჭრილობების მკურნალობა. დადგენილია, რომ მიკროორგანიზმებს პრაქტიკულად არ შეუძლიათ ამ ნაყენთან ადაპტირება, რის გამოც მათი ვირულენტობა ქვეითდება. ინფექციის „უკან დახევისათვის“ საკმარისია სულ სამი-ოთხი პროცედურა (ნაყენი გამოიყენება სავლების, ტამპონების, საფენებისა და სხვა სახით).

გრიპის სამკურნალო რამდენიმე ხალხური რეცეპტი:

  • აიღეთ 3-4 კბილი ნიორი, წვრილად ჩახეხეთ და დაამატეთ 2 სადილის კოვზი თაფლი. მიირთვით ნარევის ერთი ჩაის კოვზი 2-3-ჯერ დღეში აუცილებლად თბილი წყლის მიყოლებით;
  • აიღეთ სამი სადილის კოვზი წვრილად დაქუცმაცებული ტუხტის გამხმარი (გამომშრალი) ფესვი. დაასხით 3 ჭიქა გადადუღებული ცივი წყალი, გააჩერეთ 10-12 საათს. შემდეგ გადაწურეთ და მიღებული ნაყენი მიირთვით დღეში სამჯერ 0,25 ჭიქის მოცულობით.
  • აიღეთ თანაბარი რაოდენობით წყალნაწყენის ბალახი, შავი მოცხარისა და ვირისტერფას ფოთლები (კარგი იქნება, თუ კრაზანას ბალახსა და გვირილის ფოთლებსაც დაამატებთ). აღნიშნული მცენარეების წვრილად დაქუცმაცებული ნარევის 20 გრამს დაასხით 0,5 ლიტრი მდუღარე წყალი, შემოდგით ნელ ცეცხლზე და მიიყვანეთ ადუღებამდე (ნუ ადუღებთ). შემდეგ ჩაასხით თერმოსში და გააჩერეთ 1-1,5 საათს. გადაწურეთ და დაამატეთ თაფლი გემოვნებით. ნაყენი მიირთვით თბილი ან ოდნავ ცხელი სახით, ყოველ სამ საათში, დაავადების პირველი 2-3 დღის განმავლობაში.

ანტიბაქტერიული მოქმედებით ხასიათდება შემდეგი მცენარეები

ევკალიპტი, რომელიც გამოიყენება როგორც ანთების საწინააღმდეგო და ანტისეპტიკური საშუალება ზემო სასუნთქი გზების, აგრეთვე ქალის სასქესო ორგანოთა დაავადებების დროს, დაინფიცირებული ჭრილობების სამკურნალოდ.

ბამბის ბუჩქი, რომლის თესლისაგან დამზადებულ ნაყენს აქვს ანტივირუსული და სიმსივნის საწინააღმდეგო მოქმედება, ახორცებს ჭრილობებს.

ძლიერი ანტიბაქტერიული მოქმედებით გამოირჩევა აგრეთვე ციმბირული სოჭი, სალბი, ნიორი, ხახვი, ყვითელი დუმფარა და სხვა უამრავი მცენარე.