საგულისხმო რჩევები გახდომის მსურველებს - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

საგულისხმო რჩევები გახდომის მსურველებს

.

    • "ზღვაზე წასვლას ვაპირებ, ზედმეტი წონის მოცილება მინდა, მაგრამ დიეტის დასაცავად ნებისყოფა არ მყოფნის. მირჩიეთ რამე."

სილამაზე ქალისგან ერთგვარ მსხვერპლს მოითხოვს, რომელიც უმთავრესად წონის დაკლებას უკავშირდება. ყველა ქალს სურს, მოხდენილობა შეინარჩუნოს, მაგრამ საამისოდ დიდი მოთმინება და ნებისყოფაა საჭირო. ნებისყოფა კი უნდა გამოიმუშაოთ. სხვაგვარად გემრიელი საკვებისგან თავის შეკავება გაგიჭირდებათ. იმის ცოდნა, რომელი პროდუქტებია სასარგებლო, არ კმარა - ზოგადად, კვებისადმი დამოკიდებულება უნდა შეიცვალოთ, გარკვეული ჩვევები გამოიმუშაოთ, იკვებოთ ზომიერად, მცირე ულუფებით და განსაზღვრულ დროს.

შემოგთავაზებთ რამდენიმე პრაქტიკულ რჩევას:

  1. დაძაბეთ ნებისყოფა და თავი შეიკავეთ "სახიფათო" საკვებისგან, რომელიც წონის მომატებას უწყობს ხელს. ნუ შეიძენთ მრავალგვარ ნუგბარს და ისეთ ადგილას ნუ შეინახავთ, რომ თვალში მოგხვდეთ.
  2. ეცადეთ, მაცივარში მუდამ გეწყოთ რამდენიმე სახის დაბალკალორიული საკვები, რათა არჩევანის საშუალება გქონდეთ.
  3. ერთი კვებიდან მეორემდე დიდი ხანი (4-5 საათი) არ უნდა გავიდეს. რაც უფრო ძლიერ მოგშივდებათ, მით უფრო მეტს შეჭამთ.
  4. გადაიტანეთ ყურადღება სხვა საგანზე, გაიჩინეთ საქმე, რათა საკვებზე ფიქრისთვის ნაკლები დრო დაგრჩეთ.
  5. წონის დასაკლებად ყველა ადამიანს სხვადასხვა დრო სჭირდება. ზოგი კვირაში თითო კილოგრამს იკლებს, ზოგი კი, მიუხედავად დიდი ძალისხმევისა, ამ ხნის განმავლობაში ამის ნახევარსაც ვერ იცილებს. ზოგს თავისი ნამდვილი წონის დადგენა უჭირს, რადგან ადვილად კარგავს და აღიდგენს სითხეს, რაც ხელს უშლის წონის ნამდვილი მაჩვენებლის გაკონტროლებას.

ექიმის მიერ დანიშნული კვებისა და ფიზიკური აქტივობის რეჟიმი მაშინაც უნდა დაიცვათ, როცა წონის კლებას ვერ ამჩნევთ. შეამოწმეთ, რა ცვლილებებს განიცდის თქვენს სხეულზე ტანსაცმელი. აიწონეთ კვირაში ერთხელ, დღის ერთსა და იმავე დროს.

ზოგჯერ ჭამის მოთხოვნილება ისე ძლიერდება, რომ თავს ვეღარ ერევით. ამ შემთხვევაში უნდა დააკვირდეთ:

  1. ხომ არ მიიღეთ აკრძალული საკვები;
  2. როდის მძაფრდება ჭამის მოთხოვნილება - საღამოს, უქმე დღეებში თუ შუა კვირაში;
  3. როგორი ანტენსივობისა და ხანგრძლივობისაა შიმშილის შეტევა;
  4. ხომ არ არის ის გამოწვეული ტრავმით, სტრესით ან ძლიერი ემოციით.

ეს უსიამოვნო შეგრძნებები აღარ შეგაწუხებთ, თუ ზედმიწევნით დაიცავთ რამდენიმე წესს:

  1. მიირთვით დღეში 5-ჯერ;
  2. მიირთვით 3-4 საათში ერთხელ;
  3. ჭამეთ ნელა, დააგემოვნეთ თითოეული ლუკმა.

იგრძენით საკვების სუნი, გემო, დატკბით ყურებით. ამას ადვილად მოახერხებთ, თუ ჭამის დროს სხვა რამით არ ხართ დაკავებული: არ უყურებთ ტელევიზორს, არ კითხულობთ ან არ დადიხართ.

  • დააკვირდით თქვენს ემოციებს

შეადგინეთ იმ საქმიანობის გრაფიკი, რომელიც ჭამას დაგავიწყებთ (ვარჯიში, მეგობრებთან სტუმრობა, რაიმე გასართობი, ჰობი და ა.შ.). ყველა, ვინც კი წონის დაკლებას, სწორი კვების სწავლას ცდილობს, აუცილებლად ეჯახება პრობლემებს, რომლებიც ხელს უშლის კვების რეკომენდებული რეჟიმის დაცვას. ეს ნორმალური პროცესია, რომელიც თან ახლავს კვებითი ჩვევების შეცვლას. ერთი-ორი დარღვევა სახიფათო არ არის, მაგრამ თუ ამ დარღვევებმა სისტემატური ხასიათი მიიღო, კვების ძველ რეჟიმს უბრუნდებით და დაკარგული კილოგრამების აღდგენას იწყებთ, აუცილებლად დაგჭირდებათ ექიმის დახმარება.

ერთ-ერთი საკმაოდ ეფექტური დიეტა ასეთია: (1635კკალ)

  1. I საუზმე (8-9 სთ) - 100 გ ხაჭო, 200 გ ჩაშუშული სტაფილო, 200 გ უშაქრო რძიანი ყავა.
  2. II საუზმე (11 სთ) - 170 გ უმი კომბოსტოს უმარილო სალათა არაჟნით.
  3. სადილი (13 სთ) - 200 გ ვეგეტარიანული ბორშჩი, 90 გ მოხარშული ხორცი, 50 გ მწვანე მუხუდო, 100 გ ვაშლი.
  4. სამხარი (15 სთ) - 100 გ ხაჭო, 180 გ ასკილის ნახარში.
  5. ვახშამი (17 სთ) - 100 გ მოხარშული თევზი, 150 გ ბოსტნეულის რაგუ.
  6. ძილის წინ - 180 გ მაწონი.

დღის განმავლობაში - 150 გ შავი პური.

კვირაში ერთხელ მოიწყვეთ განტვირთვის დღე:

  1. ნახშირწყლოვანი:
    1. 1,5კგ ვაშლი მიირთვით ხუთ ჯერზე, 3-საათიანი ინტერვალებით.
    2. ასეთივე წესით მიირთვით 2 კგ კიტრი.
    3. 150-200 გ ჩირისგან მოხარშული 1-1,5 ლიტრი კომპოტი.
  2. ცხიმოვანი:
    1. 75-100გ არაჟანი ხუთ ჯერზე, 2 ფინჯანი უშაქრო რძიანი ყავა.
  3. ცილოვანი:
    1. 250-350გ უმარილო ხორცი (50-60გ 5-ჯერ დღეში) კომბოსტოს გარნირით.
    2. 100-150გ ხაჭო დღეში 4-ჯერ.
    • კომბინირებული საუზმე - 100გ უმარილო ყველი, 1 ფინჯანი უშაქრო ყავა.
    • სადილი - 2 თოხლო კვერცხი, 1 ფინჯანი უშაქრო ყავა.
    • ვახშამი - 200გ ხაჭო, 1 ჭიქა უშაქრო ჩაი.

  • პროდუქტების ეკვივალენტურობა (50კკალ)

  1. 250მლ რძე;
  2. 300მლ მაწონი;
  3. 25გ ჭვავის პური;
  4. 20გ ხორბლის პური;
  5. 17გ ორცხობილა;
  6. 20გ შვრიის ბურღული;
  7. 15გ წიწიბურა;
  8. 18გ ლობიო;
  9. 60გ კარტოფილი;
  10. 175გ სტაფილო;
  11. 135გ ვაშლი;
  12. 175გ ფორთოხალი;
  13. 105გ ნიგოზი;
  14. 1000მლ ფორთოხლის წვენი;
  15. 120გ ალუბალი;
  16. 190გ საზამთრო;
  17. 200გ მოცვი;
  18. 1ს/კ შაქარი;
  19. 140-160გ მარწყვი;
  20. 0,5 ტარო სიმინდი (160გ);
  21. 7ს/კ ბარდა;
  22. 90გ ანანასი;
  23. 0,5 დიდი ბანანი;
  24. 1 მსხალი;
  25. 200გ ბროწეული;
  26. 300გ ნესვი;
  27. 75გ ნაყინი;
  28. 250მლ ლუდი;
  29. 4 ცალი პელმენი;
  30. 100გ შავქლიავი;
  31. 170გ (3 ცალი) მანდარინი;
  32. 70გ ყურძენი;
  33. 300გ პომიდვრის წვენი;
  34. 80გ მანგო;
  35. 120გ - 1 ცალი ატამი;
  36. 300გ კომბოსტო;
  37. 350გ პომიდორი.

გასახდომი და ანტიცელულიტური მასაჟის 5, 10 და 20 პროცედურა ინოვაციური აპარატით `Club Figura Perfetta / კლუბი ფიგურა პერფეტა`-ში!